National Disaster Management Authority (NDMA), New Delhi leh Mizoram sawrkar Department of Disaster Management & Rehabilitation tangkawp ina buatsaih, Workshop on Disaster Risk Reduction in Mizoram-cum-Exhibition chu vawiin khan Chief Minister Pu Lal Thanhawla chuan I&PR Auditorium ah a hawng.
Hawnna thu a sawiah, Chief Minister chuan India Hmarchhak state zawng zawngte hi lirnghing na ber chi thlen theihna hmuna awm leh Mizoram bik chu cyclone thlipui na tak tuar thei kan ni tih hria a, hetiang workshop tul leh pawimawh tak Aizawla buatsaih a ni chu Mizoram tan a vanneihthlak hle a ni a ti a. Heng states te tan hian Central Relief Fund awm angte tam zawk dah turin NDMA hotute chu a ngen a. National Highway 54 Silchar atanga Saiha thleng hi leimin tam tak thlen thinna a nih avangin, Chief Minister chuan leimin thlen tlem theih dan tur minlo hriatpui turin NDMA hotute hi a chah bawk a. Hemi atana pawimawh tura a ngaih, Institution for Landslides Control Mizoram tan bik din ni thei se tiin, khawchin enna khawl changkang tak, foreign technology, DOPLER tia hriat chu Mizoram tan min ngaihtuah sak thei se tih a sawilang bawk a ni.
Chief Minister chuan chhiatrupna lo thlen thulha lo hmachhawn dan tura inruahmanna kan siamte chu ala beitham hle tih kan hria tiin, State Plan kan siamna turah, a tul anih chuan mithiam bik, professional te pawh kan la ruai ang a ti a ni. Pu Lal Thanhawla chu NDMA atanga member lokal Pu K.M.Singh, NEC aiawha lokal Pu P.P.Shrivastav leh Guwahati atanga National Disaster Response Force (NDRF) aiawh lokalte chuan thlalak leh chhanchhuahna hmanrua an pholante chu chipchiar takin an hrilfiah bawk a ni.
Pu N.K.Chakma, Minister of State for DM & R etc. pawhin thu sawiin, chhiatrupna lo thlen palhah, lo hmachhawn turin NGO chak tak YMA kan nei a, midangte aiin kan vannei bik a ni a ti.
He workshop in a tum ber chu chhiatrupna alo thlen thulhah, mumal tak leh awmze nei taka kan lo hmachhawn theih nan NDMA leh Mizoram sorkar inpawh taka chinchang inhrilhriat tawn reng a ni a. Disaster Management Project hi kum 2002 khan Govt. of India leh UNDP tangdun project a ni a, kumin 2009 June thla hian a tawp dawn a ni.
Thlalak leh chhanchhuahna hmanruate hi NDRF (Gau) leh Mizoram sorkar Deptt of Disaster Management & Rehabilitation tena an buatsaih a ni a. NDRF hi ram pumah Battalion 8 awmin, hmun hrang hrang, Guwahati tiamin, hmun 8 ah dah an ni.
Chawhnu lamah subject hrang hrang bengvar thlak tak tak mithiam, K.M.Singh, Member, NDMA te, A.R.Sule, Director, NDMA, Hari Kumar, Geo Hazard International, Dr. Raman Chawla, Sr.Specialist, NDMA, C.V.Sankar, Project Director, NCRMP, NDMA leh P.P.Shrivastav, Member, NEC ten zirtirna an pe bawk a ni.
Workshopah hian MLA te, DGP, Senior Officers thahnem tak, Assam Rifles hotute leh NGO & Media lam mi te an kal a ni.
Kum 2004-2009 chhunga Mizoram in chhiatna a tawh avanga tawrhna thlengte hetiang hian Pi Lalzarmawii, Jt.Director, DM&R ami chuan a tarlang:
Leimin, inkang, ramngaw kang, thlipui, ruahpui, tuilian leh thildang avanga nunna chan zat 66, hliam tuar 217, chenna in chhe zat chu 25038 leh huanthlai chhe zat Bigha 282951 a ni.
Naktukah chhiatrupna thlen palha chhanchhuah hna thawh dan tur entirna Live Demonstration Lammual ah NDRF ten an nei ang.
Chief Minister chuan chhiatrupna lo thlen thulha lo hmachhawn dan tura inruahmanna kan siamte chu ala beitham hle tih kan hria tiin, State Plan kan siamna turah, a tul anih chuan mithiam bik, professional te pawh kan la ruai ang a ti a ni. Pu Lal Thanhawla chu NDMA atanga member lokal Pu K.M.Singh, NEC aiawha lokal Pu P.P.Shrivastav leh Guwahati atanga National Disaster Response Force (NDRF) aiawh lokalte chuan thlalak leh chhanchhuahna hmanrua an pholante chu chipchiar takin an hrilfiah bawk a ni.
Pu N.K.Chakma, Minister of State for DM & R etc. pawhin thu sawiin, chhiatrupna lo thlen palhah, lo hmachhawn turin NGO chak tak YMA kan nei a, midangte aiin kan vannei bik a ni a ti.
He workshop in a tum ber chu chhiatrupna alo thlen thulhah, mumal tak leh awmze nei taka kan lo hmachhawn theih nan NDMA leh Mizoram sorkar inpawh taka chinchang inhrilhriat tawn reng a ni a. Disaster Management Project hi kum 2002 khan Govt. of India leh UNDP tangdun project a ni a, kumin 2009 June thla hian a tawp dawn a ni.
Thlalak leh chhanchhuahna hmanruate hi NDRF (Gau) leh Mizoram sorkar Deptt of Disaster Management & Rehabilitation tena an buatsaih a ni a. NDRF hi ram pumah Battalion 8 awmin, hmun hrang hrang, Guwahati tiamin, hmun 8 ah dah an ni.
Chawhnu lamah subject hrang hrang bengvar thlak tak tak mithiam, K.M.Singh, Member, NDMA te, A.R.Sule, Director, NDMA, Hari Kumar, Geo Hazard International, Dr. Raman Chawla, Sr.Specialist, NDMA, C.V.Sankar, Project Director, NCRMP, NDMA leh P.P.Shrivastav, Member, NEC ten zirtirna an pe bawk a ni.
Workshopah hian MLA te, DGP, Senior Officers thahnem tak, Assam Rifles hotute leh NGO & Media lam mi te an kal a ni.
Kum 2004-2009 chhunga Mizoram in chhiatna a tawh avanga tawrhna thlengte hetiang hian Pi Lalzarmawii, Jt.Director, DM&R ami chuan a tarlang:
Leimin, inkang, ramngaw kang, thlipui, ruahpui, tuilian leh thildang avanga nunna chan zat 66, hliam tuar 217, chenna in chhe zat chu 25038 leh huanthlai chhe zat Bigha 282951 a ni.
Naktukah chhiatrupna thlen palha chhanchhuah hna thawh dan tur entirna Live Demonstration Lammual ah NDRF ten an nei ang.
Attachment
- Loading attachment...
