Champhai khaw chhunga Champhaia Home hrang hrang, Hospital leh District Jail-ah te vawiin khan Chief Minister's Relief Fund kaltlangin tanpuina pek a ni a. Champhai Bawrhsap Pu Vanlalngaihsaka hovin tanpuina semna tur thlan pariat te hi a hmunah tlawhin an hlan a ni.

Chief Minister relief fund atanga tanpuina lokal bakah hian DC Office atangin tanpuina hi pek a ni a. DC Pu Vanlalngaihsaka chuan tanpuina hlan bakah Home hrang hrang leh Hospital leh Jail-a thawktute chu kawmna hun hmangin, an hmunhma te a tlawh sak nghal a. Champhai DC hi Pu C. Lalzarliana Addl DC, Pu VL Lura Hauzel Addl SP, Pi Lalnunmawii SDC leh Pu Vanlalhuma, Superintendent, DC te'n an tawiawm a ni.

Vawiina tanpuina sem hi District Hospital leh District Jail bakah Shelter Home, Mazuia Memorial Home TNT Champhai, Immanuel After Care Center, Genesaret Gospel Home, Observation Home leh Metaken Center-ah te pek a ni.