Tukin zing dar 9:00 AM khan Lunglei Circuit Conference Hall ah Chief Minister Pu Lal Thanhawla leh Pu AK Mangotra, Secretary Border Management, MHA Govt. of India chu Indo Border fencing chungchang ah an in kawm.

Chief Minister hian Border area a chengten fencing vanga harsatna an tawh dan leh harsatna thenkhat sutkian dan tur te a lo sawipui a. Secretary hian International ramri hung chungchangah danfel tak a awm avanga thil tihtheih chin te leh ramri hrul a chengte tana harsatna lian deuh te sutkian theihdan te a sawi ve a ni. Secretary hian Chief Minister a kawm zawh hian Kawrpuichhuah a pan leh nghal a, Pu PL. Thanga, Member Secretary SPB in a tawiawm a ni.

Pu Lalrinliana Sailo, Minister, Trade and Commerce, Pu S.Laldingliana, Parliamentary Secretary, Pu Joseph Lalhimpuia Vice Chairman HPC Lunglei, Pi Esther Lalruatkimi, Secretary Trade and Commerce leh Lunglei Bawrhsap Pu V. Sapchhunga te pawh meeting ah hian an tel ve a ni.