No.3296/2020-2020

Aizawl the 21st July, 2020: COVID-19 hripui leng dona vawiin khan Agriculture Minister Pu C.Lalrinsanga, Lunglei West MLA chuan MLA-LADS atangin Rs. 25,00,000 chu CM Relief Fund ah hian a chhunglut.

Heti hian CM Relief Fund for COVID-19 atana sum lut zawng zawng chu Rs. 20.22 crores a tling tawh. Hetah hian CM Relief Fund HDFC Bank account a pung (interest) Rs. 2,20,784 chu telh a ni. COVID-19 hrileng avanga puih ngaite puihna leh bungrua mamawh leina, etc atan Rs. 12,43,37,049 hman tawh niin, Rs. 7.78 crores a la bang a ni.