No.675/2020-2021
Chief Minister’s Relief Fund hman dan tur ngaihtuahtu Committee on Utilization of Chief Minister’s Relief Fund for COVID-19 chu an Chairman Pu Lalnunmawia Chuaungo, Chief Secretary hovin Chief Secretary’s Conference Hall, MINECO-ah vawiin khan an thukhawm a. Mizoram pawn hmun hrang hranga Welfare pawlte kaltlanga tangkhangte chhawmdawlna tur sum CM Relief Fund atanga pekchhuah thawhkhatna zawh tawh hnuah harsatna tawk mi mangang in report thar mi engemawzat an awm belh avangin heng mite chhawmdawlna pek dan tur hi ngaihtuah a ni.
Mizoram Chief Secretary chuan India ram State hrang hrangah thiam thil nei hranloa inhlawh leh mi hnuaia thawk (unskilled worker), Mizorama nu leh pa leh chhungte pur tur nei miahlo, an hlawhchhuah hmanga chhungte chawmtu zawk mi engngemawzat an awm a. Lockdown avanga hna chan, thawhchhuah nei tawh si lo heng mi mangangte hi hmun hrang hranga Mizo Welfare pawlten anmahni sum thawhkhawm hmangin chhawmdawlna an lo pe tawh thin a. Heng mite bakah hian damlo leh chhan dang vanga tangkhang, harsatna namenlo tawk mek, mamawhtu tak takte hnenah sum a ni emaw, ei leh in tur a ni emaw, an lo pek chhunzawm theih nan Welfare pawlte hnenah CM Relief Fund atanga sum pekchhuah an nih thu a sawi. CM Relief Fund atanga sum pekchhuahte hi Welfare pawlten a daihzai thei ang bera an hman a, mi mangangte tanpuina turin tul leh tha an tih anga an sem chhuah tur a nih thu meeting-ah hian sawi lan a ni bawk.
Tun tuma sum pekchhuah tura rel hi CM Relief Fund hmanga chhawmdawlna lo dawng tawhte dawn nawn leh tur tihna ni lovin a thawhkhatnaa in report ve lo mi engemawzat harsatna tawk in report tharten tanpuina an dawn theih nana pekchhuah a ni. Hei bakah hian Mizoram ramri depa mi tlawmngai duty te mamawh zual phuhrukna turin Champhai, Kolasib leh Mamit YMA Sub-headquarters-ah CM Relief Fund atangin sum Rs.1,00,000 theuh dah nise tia rawtna pawh meeting-ah hian pawm a ni.
State pawn Mizo Welfare leh tlawmngai pawl hrang hrangte hnena chhawmdawl ngaite chhawmdawlna tur CM Relief Fund atanga pekchhuah dan tur chu hetiang hi a ni:-
SI. No. | States | Welfare pawl hming | Amount in Rs. |
1 | Andhra Pradesh | Vishakapatnam Mizo Welfare Assn. | 1,20,000 |
2 | Chandigarh | Chandigarh Mizo Union | 70,000 |
3 | Delhi | The Mizo Welfare Association, Delhi | 11,80,000 |
4 | Goa | Goa Mizo Welfare Association | 5,70,000 |
5 | Gujarat | Gujarat Mizo Zirlai Pawl | 1,30,000 |
6 | Haryana | Haryana Mizo Welfare Association | 1,80,000 |
7 | Himachal Pradesh | Himachal Mizo Fellowship (C/o Lalrengpuii] | 60,000 |
8 | Jharkhand | C/o Lalbiaktluanga Khiangte IAS | 30,000 |
9 | Karnataka | Bangalore Mizo Association | 5,10,000 |
10 | Kerala | Kerala Mizo Association | 1,10,000 |
11 | Madhya Pradesh |
|
|
| Indore | Indore Mizo Welfare | 2,30,000 |
| Jabalpur | Jabalpur Mizo Society | 1,70,,000 |
| Bhopal | Bhopal Mizo Welfare | 50,000 |
12 | Maharashtra |
|
|
| Mumbai | Mumbai Mizo Association | 5,40,000 |
| Pune | Pune Mizo Welfare Association | 3,60,000 |
| Nagpur | Nagpur Mizo Union | 50,000 |
13 | Punjab |
|
|
| Jalandhar | Falandhar Mizo Zirlai Pawl | 1,20,000 |
14 | Rajasthan |
|
|
| Ajmer | Ajmer Mizo Fellowship & Welfare Assn. | 30,000 |
| Udaipur | Udaipur Mizo Fellowship & Welfare Assn. | 1,50,000 |
| Jaipur | Jaipur Mizo Welfare Assn. | 90,000 |
15 | Tamil Nadu |
|
|
| Vellore | Vellore Mizo Association | 40,000 |
| Chennai | Chennai Mizo Welfare Association | 6,00,000 |
16 | Telangana | Hyderabad Mizo Association | 12,90,000 |
17 | Uttar Pradesh |
|
|
| Meerut | Meerut Mizo Zirlai Pawl | 20,000 |
| Allahabad | Allahabad Mizo Welfare Association | 1,50,000 |
| Lucknow | Mizo Christian Fellowship, Lucknow | 20,000 |
| Varanasi | Varanasi Zofa Welfare Assn. | 20,000 |
| Others |
| 2,20,000 |
18 | Uttarakhand | Deradhun Mizo Welfare Association | 1,80,000 |
19 | West Bengal |
|
|
| Kolkata | Calcutta Mizo Welfare Association | 90,000 |
| North Bengal | North Bengal Mizo Welfare Association | 30,000 |
20 | Andaman and Nicobar Islands | Andaman Welfare | 21000 |
21 | Arunachal Pradesh | Individual Account | 12000 |
22 | Bihar | Bihar Welfare | 18000 |
23 | Chhattisgarh | IndividualAccount | 48000 |
24 | Odisha | Odisha Welfare | 24000 |
25 | Puducherry | Puducherry Welfare | 39000 |
26 | Tripura | Agartala Welfare | 18000 |
| TOTAL |
| 75,90,000 |
Heti hian tun tuma CM Relief fund hman chhuah tur zat rel chu Rs.78,90,000 (75,90,000 + Rs.3,00,000) a ni.
Vawiin meeting-ah hian hmun hrang hranga Mizoram mi leh sa tangkhangte in report na tur tangkhang.mizoram.gov.in sorkar-in a siam chu tihtawp lailawk ni se tiin rel a ni a. Hei hi a tul dan a zirin tihnun leh a ni ang.
Attachment
- Loading attachment...
