3785/2024-2025

Aizawl the 14th January, 2025 : Vawiin khan Co-operation Minister Pu P. C. Vanlalruata hovin RCS Office-ah Kumthar 2025 atan Co-operation Department officer leh staff te chuan Inhlantharna hun an hmang.

Minister Pu P. C. Vanlalruata chuan Pathian kaihhruainaa 2025 kumthar dam taka an chuangkai thei chu a lawmawm hle a ni tiin thawktute chu kawng hrang hranga fuihin ṭanlak a ngaih thu leh rinawm taka hna thawk turin a chah. Co-operation Department chu lian vak ni lo mahse sawrkar flagship programme-ah hmun pawimawh tak a chan tur thu a sawi a. Co-operation Department hnuaia enkawl mek Society zawng zawngte tichak turin ṭanlak a ngaih thu a sawi bawk. Hriselna leh damna nena kumtluana hna thawk turin thawktute chu duhsakna a hlan a ni.

Vawiin Co-operation Department Inhlantharna inkhawm Pu John L. T. Sanga, RCS kaihhruaiah Co-operation Secretary Pu Amit Sharma, IAS pawhin infuihna thuchah a sawi a; Pu Lalmalsawma, Joint Registrar-in lawmthu sawiin hun a khar a ni. Inhlantharna neih zawh hian RCS office chamber-ah Minister hnenah department mamawh leh thil pawimawhte thlen leh sawipui a ni bawk.