No.3843/2021-2022
Aizawl 28th January, 2022 : Vawiin khan Mizoram Co-Operative Apex Bank ATM Booth, Mamit Branch chu Dr. Lalrozama, IAS, District Bawrhsap chuan khuallian niin a hawng.

District Bawrhsap chuan Apex Bank chu mizo mipuite tana Bank tangkai tak an nih thusawiin Kohhran, kuthnathawktute leh mi harsa zawk te'n an chhawr tangkaina hi a hlut zualna a nih thu a sawi a. Mizo tawng hmang ATM Booth hawn a ni chu hmasawnna lawmawm tak a ni tiin, District chhung mipui te'n tangkai taka an hman a duhsak thu leh khawl thil a nih avangin a hman dan chungchangah fimkhur leh uluk taka enkawl erawh a tul thu a sawi.

He hun kaihruaitu Pi T. Lalmuanpuii, Chairman Mizoram Co-operative Apex Bank chuan Cooperative Apex Bank hi Mizoramah Branch 22 awm mekin ATM Booth 22 din a ni tawh thu a a tarlanga, ATM Booth hawnna hunah hian Rev. Lalrimawia'n hunserh hmangin, Pu Lalchhuanawma, Branch Manager, MCAB Mamit Branch chuan lawmthusawina a nei bawk.

Mizoram Co-operative Apex Bank, Mamit Branch hi Kum 2010 khan bul tan niin tunah hian staff 5 an awm mek a. Vawiin-a hawn tak ATM Booth hi Pu Zonunsanga Building, Mamit Field veng ah dah a ni.