Vawiin khan Bungtlang ‘S’ Public Health Center ah tlawmngaipawl COD NERC bultumin vantlang hriselna chung chang inzirtirna hun hman a ni a, khawtlang mipuite hnenah kawng hrang hranga hriselna chung chang zirtirna neih a ni.

He Campaign hi Cod Nerc Programme Executive Pu C. Lalmuanthanga’n a kaihhruaiin Bungtlang ‘S’ Doctor Pu Jimmy Lalnunpuia leh Cod Nerc Team member dang ten zirtirna hi a pe a, Cod Nerc Chairman Pu B. Lalchhanzova’n thusawina hun a hmanga bawk.

He hunah hian Cod Nerc chuan Bungtlang ‘S’ PHC hnenah mamawh a an lo hman atan thawhhah enna (Nebulizer), Beng enna (Otoscope), Zunthlum enna (Accucheck), BP enna, Marphu enna (Stethoscope), Tui tihthianghlimna hmanrua leh damdawi eng emawzat an pe a ni.

Cod Nerc in he Project an kalpui mek hi UN Forum on Endogenous nena tangkhawpa an kalpui a ni a, tuna hian Mizoram hmundangah pawh kalpui zel turin ruahmanna an siam mek a ni.