Vawiin chawhma dar 11:00 khan Sub Divisional Industries Officer Office Serchhip Darnam Tlangah, Industry Department hnuaia NLUP 2nd phase tanpuina dawngtu chhungkaw 100 hnenah 2nd Installment leh 3rd Installment te sem a ni a, Rs. 40,33,000/- sem ral a ni. Industry department hnuaia heng tanpuina dawngtute hi Carpentry, Tailoring, handloom, Chow Making leh Petty Trade thlangtute an ni a, Tuikum Cluster atangin chhungkaw 6, Hrangturzo Cluster atangin 2 leh Serchip Cluster atangin 92 ten an dawng a ni.

NLUP tanpuina sem programme hi Pu R. Laltanzuala Extension Officer-in a kaihruai a, Pu H. Thangtluanga SDIO chuan NLUP tanpuina dawngtute chu an pawisa dawnte a nihna ang taka hmanga rinawm leh taima taka hna thawk turin a fuih a, he tanpuina pawisa hi a hlawhtlinaa ngai ringawt lova, tu leh fate thlenga eizawnna nghet an neihna tura bul tanna atana hmang theuh turin a chah nghal bawk a ni.