Vawiin khan I&PR Conference Hall-ah  Mizoram a professional NGO  pakhat  CoD Nerc leh Jadav University, School of Women Studies ten Mizoram a hmeichhia  Self Help Group Aizawl leh Lawngtlai District te Workshop an neih pui a. Rural Development  Secretary Pu K. Riachho IAS in a hmanpui.

He Workshop hawnna inkhawm tawi hi CoD Nerc General Secretary Julie Remsangpuii Fambawl in a kaihruai a; khuallian Pu K.Riachho chuan Mizoram ah hian zirna lamah leh hmasawnna kawng hrang hranga kan san hle laiin a huhova hmalaknaah kan tangrual thiam lo a. A bik takin Central sorkar scheme  hrang hrangah hmeichhiate hamthatna leh duhsakna a tam hle a. Self Help Group hmanga  kan hma lak tawhna chinah pawh kan tangrual thiam vak lo West Bengal te khu kan phaklo hle a ni a ti a. Hmeichhiate hamthatna ram rorelna lamah pawh siamsak mek zel an ni a, Autonomous District Council ah phei chuan hmeichhia te tan Seat hauhsak mek an ni a ti. Tun ang huna khawvel ram zau zawka hmeichhiate dinhmun enin Mizo hmeichhiate pawhin tan lakna tur kan ngah hle a ni a ti.

He Workshop ah hian Convener Dr. Paromita Chakravarti, Jadavpur University, School of Women studies pawhin Workshop neih chhan sawiin he Research Project “Women’s Empowerment and Education : Panchayats and Women Self Help Groups in India’ tih hi Mc Gill Canada leh Jadavpur University te thawh hona a ni a. Remchang takin Mizoram a NGO viaktha tak CoD Nerc te nen Mizoram a Aizawl leh Lawngtlai District chhung atan Project kan kalpui thei a a lawmawm hle a ni a ti. He Research hian Mizoram leh West Bangal a Women Empowermen thlen dan a khaikhin dawn a ni a ti. Power presentation hmangin zirtirna hrang hrang a tarlang a ni.

He Workshop ah hian Dr T.Vanlaltlani, ATC in ‘Mizo Women and Politics’ tiin Paper a present a, Mizoramah hian hmarlam aiin chhimlam autonomous District Council-ah hmeichhia ten chanvo an nei sang zawk a ti a. Tunhnai a Aizawl khawpui chhunga Councellor a hmeichhia te hian enganga thuk in nge hma an lak dawn tih kan thlir mek a ni. MLA ah pawh hmeichhiaten tih theih kan nei a; rampum rawngbawlnaah pawh kan inrawlh tan a ngai a ni a ti.

He Workshop-ah hian Pi Lalnipuii, Chairperson, Women Commission pawhin  Mizo hmeichhiate dinhmun chawikanna tur kawng hrang hranga hmalak a tul thu leh an mawhphurhnate a sawi bawk a ni.

He Workshop ah hian sawihona nen session hnih a hmangin an hlawk hle a ni.