Coffee Board of India, Kolasib chuan vawiin khan Coffee Board Technology Evaluation Centre, Bualpui ah Seminar on Mass Contact an buatsaih a, Kolasib District Bawrhsap Dr Arun T IAS chuan khuallian niin a hmanpui.

Dr Arun T IAS chuan thusawiin, 'Agriculture hi mihringte eizawnna kawnga pawimawh ber a ni' tiin 'India Prime Minister hmasa ber Jawaharlal Nehru khan ' “Everything can wait, but not agriculture” tiin Agriculture pawimawhzia a lo sawi tawh' a ti a. 'State in hma a sawn dawn in Agriculture a pawimawh hmasa ber' a ti bawk 

Kolasib Bawrhsap chuan Coffee chu India ram ah karnataka ten an ching nasa a, hei hi Mizoram atang chuan khum a harsa mai thei a, mahse kan khum theihna kawng awm chu organic Coffee kan thar chhuah hian a ni tiin Organic Coffee hi a man a tovin a hralhna pawh a awm tha zawk a, hetiang thar thei tur hian hmalak a ngai a ti a. Hei bakah hian mahni a Brand nei tura hmalak a tul thu sawiin khawi hmun pawh thleng se 'Mizoram Coffee' tih a nih theihna tura Branding lamah hmalak a tul thu a sawi.

Dr VR Gudde Gowda, Joint Director (extension) Coffee Board, NER Guwahati chuan keynote address a pe a, Pi Pranati Goswami, Retired Deputy Director (Extn) leh Partha Pratim Chaudhury, Deputy Director (Extn) Jorhat ten thu an sawi bawk.

He hunah hian Kolasib Dist chhunga Coffee chingtu mi 60 vel an tel a, Coffee leh thlai dang chinpawlh chungchangah mithiam ten zirtirna an pe a, Field Visit neihpui an ni bawk.

 

Attachment

  • Loading attachment...