Nimin (23.9.2015) khan Model Village (Saansad Adarsh Gram Yojana) atan a thlan Hualngohmun ah A.H & Vety Department Aizawl district a thawktu Doctor 3 leh Field staff 8 ten Free Vaccination and Animal Health Camp an buatsaih chu Parliamentary Secretary Col. Z.S.Zuala’n a hmanpui.
He hun hmanpuitu Parliamentary Secretary Col. Z.S. Zuala chuan Mipuite ram tan a thahnemngai leh neitu nihna nei turin a duh thu leh A.H & Vety department ten kum 20 chhung lek a Mizoram ranvulh Bawng, Vawk leh Ar te a chi tha zawka an thlak theih avangin fakawm a tih thu a sawi a. Mizo mipui ten NLUP trade ah pawh bawng, vawk leh ar vulh chu an thlan tam ber a nih zia sawiin, kumin chhung ah pawh khaw hrang hrang ah Animal Health camp an neih tawhna ah thawktu te a fak a ni.
He hun ah hian Dr M. Zohmingthangi'n inkhawm a kaihruai a, Dr Vanlalhruaia Pachuau in Ranvulh leh Mihring Hriselna tih thu a sawi.
Khawtlang hruaitu ten an khua Model Village a thlangtu Parliamentary Secretary Col.Z.S.Zuala chungah leh AH & Vety Department in Ui A hridanna leh Damdawi tam tak a thlawna an sem leh ran tam tak entirna an buatsaih sakah lawmthu an sawi.
He hun ah hian : Ui A hridanna pek zat – 55; Vawk – 140; Ui – 30; Bawng – 4; Ar – 2205; Varak - 4 te enkawl na pek an ni a. A vaiin Ran 2438 ah enkawlna pek a ni.
