Mizoram Legislative Assembly hnuaia Committee peng pakhat, Committee on Local Fund Accounts (COLFA) chuan vawiin khan Aizawl Municipal Corporation Ward 18 leh 19 an tlawh. Ward 18 hian Mission Veng, Model Veng, Tuikhuahtlang, Thakthing, Dam Veng, Venghnuai, Salem Veng, ITI Veng a huam a. Ward 19 hian Kulikawn, Tlangnuam,Tlangnuam Vengthar, Saikhamakawn, Melthum leh Hlimen a huam a ni.

13th Finance Commission Grant, 2013- 2014 hnuaia hnathawh hrang hrangte COLFA hian an endik a. Local Council hrang hrang te hian vengchhung leh mipuite tana tangkai leh chhawrtlak hna an thawk tura beisei niin CAG report atanga thil fel tawk lo nia lang te a hmuna endik turin COLFA hi an fehchhuak a ni.

COLFA member te chu - Pu John Siamkunga – Chairman; Pu Vanlalzawma – Member; Pu T.Sangkunga – Member; Pu Lalthanliana – Member; Pu R.Vanlalvena – Member; Er Lalrinawma – Member leh Pi Vanlalawmpuii Chawngthu – Member te an ni.