India ram hmun dangte rualin Mizoramah National Wildlife Week chu Environment, Forests and Climate Change Department bultumin October ni 2 atanga ni 8 chhung hian hman mek a ni. . Wildlife Week pual hian Wildlife Run - 2016 chu October ni 5 hian neih a ni dawn a, zing dar 6:30 ah Kulikawn atanga tlan tanin AR Ground thleng tlan tur a ni.

Wildlife Week pual vek hian electronic leh print media kaltlangin nungcha humhalh chungchang tihchhuah mek a ni a. Aizawl Zoological park chu a duh apiang tan man lova luh theih niin Zoo tlawhtute chu hnathawktuten an kaihruai ang a, nungcha humhalh chungchangah zirtirna an lo pe thin dawn a ni.

Mizoram a District Headquarters leh Forest Division Headquarter tinah leh Protected Areas zawng zawngah te 62nd National Wildlife Week pual hian awareness campaign neih tan mek a ni a. Nungcha humhalh kawnga theihtawp chhuah theuh tur leh dan lova ramsa hmanga sumdawngte khuahkhirh tura sawrkar hmalakna tawiawm turin EF&CC Department chuan mitinte a sawm a ni.