Govt. Hrangbana College chu National Assessment & Accreditation Council (NAAC) chuan ‘A’ Grade nihna a hlan a. He ‘A’ Grade Certificate hlanna hun hi Bangalore ah ni 11 March 2012 (Pathianni) khan neih a ni. He certificate hi Principal Pu K.Liantuala’n a dawng a, nimin ni ni 12 March 2012 khan College a rawn thlenpui. Certificate hlanna inkhawmah hian Mizoram University Vice-Chancellor Prof R.Lalthantluanga pawh a tel ve nghe nghe a ni.

Govt. Hrangbana College hi Mizorama Grade ‘A’ Accreditation hmu hmasa ber leh awmchhun a la ni a. Hei hi College tan mai ni lo, Mizoram tana thil chhinchhiahtlak leh hmasawnna rahbi pawimawh tak a ni.

Govt.Hrangbana College hi kum 2003-2007 khan NAAC Peer Team te chuan B++ grade an pe lo tawh a. Kum 2007- 2011 chhunga hmasawnna tehkhawng hrang hranga an endik hnuah Grade ‘A’ an pe leh ta a ni.

Govt. Hrangbana College hian Durtlangah Womens’ Hostel a nei a. Mutthi ah Sports Complex a buatsaih mek bawk. Tunah hian zirlai 2000 zet awmin zirtirtu 70 vel an awm bawk a ni.