District huap Lunglei District Water and Sanitation Committee chu nimin khan DC Pu V.Sapchunga IAS hovin Lunglei ah an thukhawm a, kum kalta lam a an hmalakna tlangpui ngaihthlak a ni.

Lunglei District ah hian kum kalta chhung khan BPL chhungkua 19280 tur ah ekin sak na chhungkua 16224 hnenah pek tawh a ni a APL chhungkua 4665 ah chhungkua 4665 hnen ah pek an ni tawh bawk a. Sanitary complex - 150 ah 146 thawh tawh a ni a, school a inthiarna 628 tur ah 628 thawh tawh a ni bawk. Balwadi/Aganwadi a inthiarna 218 tur ah 97 thawh tawh a ni bawk.Lunglei District chhung a khaw 18 chu chhungkawfai/ thianghlimna kawng a hma la tha a tarlan an nih ang in khaw 17 hnen ah Rs. 50,000/- theuh leh khaw khat hnen ah Rs. 1,00,000/- lawmmman an dawng dawn a ni. Nimin a an thurel zingah chuan ekin neilo te hnenah Comode leh Bawlhhlawh paih bawm sem dan tur te a tel a ni.

Committee Chairman Lunglei DC chuan sorkar laipui ruahman anga thingtlang khaw tin faina leh thianghlimna kawnga zirtirna pek a nih dan te, zun ram thiar hmunhma tha leh thianghlim zawk buatsaih sak a nih dan te he committee thil tum bulpui ber a nih thu a tarlang a. Committee Secretary EE, PHE Pu Laropuia Hmar pawhin committee hmalakna leh hma chhawp tlangpui a sawifiah a ni.