2511/2023-2024
2023 Khuangchawi thla ni 27: College of Agriculture, Central Agricultural University, Imphal, Manipur-a Bachelor of Science (Agriculture) zirlaite chuan chawlhkar hnih, October ni 16 a?anga October ni 27, 2023 chhungin Krishi Vigyan Kendra (KVK), Kolasib-ah Rural Agricultural Work Experience (RAWE) internship programme an hmang a. Vawiin khan KVK Kolasib Training Hall-ah internship kharna leh certificate inhlanna hun hman a ni.

Internship-ah hian College of Agriculture, CAU Imphal-a BSc (Agriculture) zirlai 7 an lo kal a. Chawlhkar hnih chhung hian subject hrang hrang - Agronomy, Horticulture, Animal Science, Plant Protection, Soil Science, Agricultural Engineering, Fishery Science, Home Science, Computer Science, Farm Management leh Machinery-ah te uluk tak leh ṭha taka zirtirna pek an ni a. A thu leh a taka enchhinna nen zirtirna hi kalpui a ni.

Vawiina internship course kharna leh certificate inhlanna hun buatsaih hi KVK Kolasib-a Subject Matter Specialist (Horticulture) Pu PC Lalrintluanga'n a kaihruai a. KVK Kolasib-a Senior Scientist and Head leh RAWE Course Director Dr Michelle C. Lallawmkimi chuan zirlaite fuihna thu sawiin, certificate a hlan nghal bawk.

He hunah hian College of Agriculture, CAU Imphal-a BSc (Agri) Final Year zirlai Peniel Lalmalsawma chuan PowerPoint presentation a pe bawk a. KVK Kolasib-a Subject Matter Specialist (Soil Science) Dr Carolyn Zothansiami chuan lawm thu sawiin hun a khar a ni.

Attachment

  • Loading attachment...