2512/2023-2024

Dated saitual the 27th October 2023: Vawiin khan Saitual DC Conference Hall ah District Election Officer, Dr Lalngura Tlau chuan Weekly Press briefing a nei.

He weekly Press briefing ah hian Dr Lalngura Tlau chuan Saitual District in a MLA General Election 2023 a hmachhawn tur atana Saitual District inpuahchahna hrang hrang te thuthar pe chhuaktute a hriattir a. EVM/VVPAT commissioning chu vawiin zing kar atanga neih tan niin naktuk thlenga neih tura ruahman a ni, a ti. Khawl thenkhat te tha lo awm zeuh thin mahse a khawl lo thleng a thathnem tawk avangin an indaih tawk a beisei thu a sawi.

October ni 21 ah khan Candidate scrutiny neih a nih thu tarlang in, candidate te hian scrutiny an paltlang vek a ni, a ti. Heng scrutiny paltlang candidate te hi avaiin in candidate 11 anni. General observers, Police leh expenditure observers te pawh an lo thlen kim tawh thu sawiin an hna tur te pawh ngawrh takin an thawk tan tawh a ni, a ti.

District Election Officer chuan training chungchang pawh sawiin, October ni 18 leh ni 24 khan Presiding officer thenkhat te, training hmasa a tel remchang lo te tan training neih a ni, a ti a, training vawi hnihna pawh october ni 30 leh ni 31 ah PRO te tan ruahmanna siam a ni, a ti. Postal ballot chungchang ah chuan naktuk Dt28 hian Postal voting centre hawn tan tum a ni, a ti a, tun dinhmun ah Saitual district a AC te zingah Service voters 521 awmin, Home voting ti tur 156 an awm a, heng hi hma lakna kalpui tawh a ni, a ti.

Dr Lalngura Tlau chuan inthlan felfai tak neih a beisei thu sawiin, an theih ang chin tawk ah inpuahchahna ang ang te an neih tawh thu sawiin , Observers, RO, Nodal Officers leh police lam te nen pawh thawhhona tha tak an nei mek a ni, a ti.

Saitual District ahhian Constituency pathum awm in, chungte chu 9-Tawi,8- Chalfilh, 21 Lengteng te anni a, candidate 11 awmin independent candidate an awm lo a ni. Vawiin a Press Briefing neih ah hian DEO,Election Officer, DIPRO leh press mi te tel in zawhna leh chhanna hun hman ani bawk.