All Mizoram Karate Association (AMKA) Gen.Hqrs hmalakna-in ni 10th November,2015 khan College of Veterinary Science & AH ,Selesih ah karate zirna Pu R.Thanga,Law Secretary,Govt.of Mizoram and Sr.Adviser,AMKA Gen.Hqrs chuan a hawng.

Karate zirna changkang tak hawn a ni chu lawmawm a tih thu sawiin khuallian Pu R. Thanga chuan karate hi mitinin zir se,taksa leh rilru ti hriseltu a ni a, zirlaite pawhin an zirna-ah hma an sawn pui theih ngei a nih a beisei thu a sawi a, chutiang atan chuan karate hi a tha tawk a ni” a ti. Karate hi discipline tha tak a ni a, a buaipuitu AMKA pawl inrelbawl dan te hi a entawn tlak a, Karate zir naupangte pawh an fakawmin an zirna tibuai chuang lova zirtheih an tum tur a ni a, chu chu Karate in a tum a ni, tiin Olympic lo awm leh turah pawh Karate hi Olympic Game anih tawh a rin thu leh zirlai naupangte chu theih patawp chhuah turin khuallian chuan a fuih a ni.

Khualzahawm Dr. D.Katherisan,Dean, College of Veterinary Science pawhin thusawiin Karate chu a tuipui tak subject anih thu leh he College din a nih dawn pawha an rawn dil in zirlai ten an tui dawn phawt chuan engmah harsatna a awmloh thu leh Karate chu inthununna tha tak a nih thu a sawi.

Pu R.Zomawia,President, AMKA Gen.Hqrs chuan hetiang zirna changkang taka karate zirna hawn a ni thei chu hmasawnna chhinchhiah thlak tak a ni a ti. Karate zirna hi hmun hrang hrangah pawh hawn belh tuma hmalak mek anih thu leh tun kum kallai meka Mizoram Sports darthlalang an ni thei chu lawmawm a tih thu a sawi. International ah medal 3 an lak thu leh National levelah pawh medal la sang ber an nih thu a sawi bawk. National-ah Gold 12,Silver,8 leh Bronze 7 lak a ni tawhin ram tihmangtha turin karate hmanga theihtawp an chhuah zel tur leh sum leh pai a ngaih thin avang erawh chuan duh ang a hma an lak theihloh thu a sawi bawk a ni.

Karate Dojo hawnna ah hian Karate thiam thil hmuhnawm tak takte entir a ni a, hmeichhia ten self defence te an entir a. He College ah hian Karate zirlai mi 50 chuang an awm mek a. State hrang hrang atanga lo kal te an ni hlawm a ni. Selesih Karate Dojo hi Sensei Pu Lalropuia,Black Belt in a enkawl mek a ni.