No.1246/2021-2022

Aizawl 4th July, 2021: Aizawl DC chuan College Veng hmun thenkhat Containment Zone/Area-a puan a nih thu a chhuah a. Hemi chungchanga DC thuchhuah chu a hnuai a mi ang a ni e. 

Aizawl khawpui chhungah COVID-19 positive hmuhchhuah a pung zel  a. Veng thenkhatah chuan COVID-19 punna hi a tam zualin, heng vengte dinhmun hi zirchian a nih hnuah COVID-19 hrileng darh zel tur venna atan Containment Zone/Area-a puan a ngai tih hmuh a ni a.

Chief Medical Officer, Aizawl East in zirchianna leh a tul anga hma a   lak hnuin, College Veng hmun thenkhat chu Containment Zone/Area-a puan rawtna a rawn thlen a. 

Chuvangin, Regulation 11(1) of the Mizoram Epidemic Diseases (COVID-19) Regulations, 2020 behchhanin hnuaia College Veng hmun tarlan te hi ni 04.07.2021 (Pathianni) Zan dar 10:00 atangin Containment Zone/Area-ah puan a ni.

Heng area chhungah hian Deputy Commissioner-in phalna a pekte, Medical duty, Security duty, helai hmuna duty pawimawh nei tura ruatte leh SOP for Containment Zone/Area  vide Order No.C.16011/298/2020-DC(A)/Lockdown dt. 30.06.2021 in phalna a pekte bak mi  tumah an lutin an chhuak tur a ni lova,  veng leh veng inkalpawhna kawng (main road) erawh chu ding lova tlan tlang phal a ni ang. Containment Zone-a hman tura inkaihhruaina (SOP) siam chu mitinin zawm vek tur a ni.

COLLEGE VENG (Containment Zone/Area):

Neuva Section: Pu C Sangthuama (L) in atanga Pu K Lalrinpuia te in thleng a huam ang.

Khuangchera Section: Pu K Lalnunzira inbul step chhuk thla ah a thlang kawng a kual phei in Pi Zoziki tuikhur a kual chho zelin Pu K Lalnunzira in thleng a kualkhung chhung zawng, hemi bakah hian Pu Vanlalsang in leh Pi R Lalpiangthangi in a huam tel ang.

(Number of Households – 35)

Buffer Area: Pu CL Ramdinthara in atanga Pi K Lalhlimpuii te in thleng zawng.

Heng Containment Zone/Area chhunga khawsa, harsatna neite tan a hnuaia mite hi biak pawh theih an ni ang.