No.1245/2021-2022

Aizawl 4th July, 2021: Aizawl DC chuan Dawrpui Veng hmun thenkhat Micro-Containment Zone/Area-a puan belh a nih thu a chhuah a. Hemi chungchanga DC thuchhuah chu a hnuai a mi ang a ni e.  

Aizawl khawpui chhungah COVID-19 positive hmuhchhuah a pung zel  a. Veng thenkhatah chuan COVID-19 punna hi a tam zualin, heng vengte dinhmun hi zirchian a nih hnuah COVID-19 hrileng darh zel tur venna atan Containment Zone/Area-a puan a ngai tih hmuh a ni a.

Chuvangin, Regulation 11(1) of the Mizoram Epidemic Diseases (COVID-19) Regulations, 2020 behchhanin Dawrpui Veng hmun thenkhat chu Containment Zone/Area-ah puan a lo ni tawh a. Chief Medical Officer, Aizawl East in a zirchianna leh a tul anga hma a lak hnuin Dawrpui Veng hmun thenkhatah hri kai thar an awm belh zel avangin hmun thenkhat Micro-Containment Zone/Area-a puan a rawn rawt a. He rawtna ang hian a hnuaia Dawrpui Veng hmun tarlante hi ni 04.07.2021 (Pathianni) Zan dar 10:00 atangin Micro-Containment Zone/Area-ah puan a ni.

DAWRPUI (Micro-Containment) puan belhna :

Salvation C.O quarter atanga Pu PC Thandanga te in thleng a huam ang.

(Number of Households – 21)

Buffer Area:

Dr SR Zonunthara, Pu Thangdawla, Pu R.Englaia in leh Pi Liansangi te in a huam ang.

Heng Micro-Containment Zone/Area chhunga khawsa, harsatna neite tan a hnuaia mite hi biak pawh theih an ni ang.