No.1306/2021-2022

Aizawl 8th July 2021: Aizawl DC chuan College Veng hmun thenkhat Containment Zone/Area-a puan belh a nih thu a chhuah a. Hemi chungchanga DC thuchhuah chu a hnuai a mi ang a ni e.

Aizawl khawpui chhungah COVID-19 positive hmuhchhuah a pung zel  a. Veng thenkhatah chuan COVID-19 punna hi a tam zualin, heng vengte dinhmun hi zirchian a nih hnuah COVID-19 hrileng darh zel tur venna atan Containment Zone/Area-a puan a ngai tih hmuh a ni a.

Chuvangin, Section-34(b)(c) of the Disaster Management Act, 2005 behchhanin College Veng hmun thenkhat chu Containment Zone/Area-ah puan a lo ni tawh a.

Chief Medical Officer, Aizawl East in a zirchianna leh a tul anga hma a lak hnuin College Veng hmun thenkhatah hri kai thar an awm belh zel avangin hmun thenkhat Containment Zone/Area-a puan a rawn rawt a. He rawtna ang hian a hnuaia College Veng hmun tarlante hi ni 08.07.2021 (Ningani) Zan dar 10:00 atangin Containment Zone/Area-ah puan a ni.

COLLEGE VENG Containment Zone puan belhna :

Neuva Section

Pu  H.Kapkima  in  atanga  Pu  J.Lalkailiana  in thlengin. Heng bakah hian Pu J.Larchhuakmawia leh Pu Melliana in a tel ang.

Taitesena Section

Pu Philip Lalhmachhuana Colony atanga Pu Selhnuna Colony huamchhung zawng.

Khuangchera Section

Pu  C.Lalnunzira  (L)  in   atanga    Pu    H    Kapkima   in   thleng, an kawmthlang Pi Rinawmi in huam telin.

Buffer Area

Taitesenna Section: Pu Lalsawta in leh Pu Lalhmunsiama in.

Khuangchera Section: Pu Kawlthianga in atanga Pu HS Lalrampara in thleng.

(Total Number of Household contained – 50)

Heng Containment Zone/Area chhunga khawsa, harsatna neite tan a hnuaia mite hi biak pawh theih an ni ang.