No.1307/2021-2022

Aizawl 8th July 2021: Aizawl DC chuan Falkland hmun thenkhat Containment Zone/Area-a puan a nih thu a chhuah a. Hemi chungchanga DC thuchhuah chu a hnuai a mi ang a ni e.

Aizawl khawpui chhungah COVID-19 positive hmuhchhuah a pung zel  a. Veng thenkhatah chuan COVID-19 punna hi a tam zualin, heng vengte dinhmun hi zirchian a nih hnuah COVID-19 hrileng darh zel tur venna atan Containment Zone/Area-a puan a ngai tih hmuh a ni a.

Chief Medical Officer, Aizawl East in zirchianna leh a tul anga hma a   lak hnuin, Falkland Veng hmun thenkhat chu Containment Zone/Area-a puan rawtna a rawn thlen a.

Chuvangin, Section-34(b)(c) of the Disaster Management Act, 2005 behchhanin hnuaia Falkland Veng hmun tarlan te hi ni 08.07.2021  (Ningani)   Zan dar 10:00 atangin Containment Zone/Area-ah puan a ni.

Heng area chhungah hian Deputy Commissioner-in phalna a pekte, Medical duty, Security duty, helai hmuna duty pawimawh nei tura ruatte leh SOP for Containment Zone/Area  vide Order No.C.16011/298/2020-DC(A)/Lockdown dt. 30.06.2021 in phalna a pekte bak mi  tumah an lutin an chhuak  tur a ni lova, veng leh veng inkalpawhna kawng (main road) erawh chu ding lova tlan tlang phal a ni ang. Containment Zone-a hman tura inkaihhruaina (SOP) siam chu mitinin zawm vek tur a ni.

FALKLAND VENG (Containment Zone/Area):

Taitesena Section:

VC  Road   kawngpui    chhaklam   Pu   Lalremsanga    Sailo   In   bul    step   atanga Pi  Liankungpuii   In   thleng,   chuta     tang   chuan   kawr    zawh   chho   zelin    in Pi Malsawmi In bul Step thleng chumi chhung zawng a huam ang.

Chawngbawla Section:

World Bank Road chhaklam Lalchhuangkimi Enterprise atanga Pu Sangbika in thleng, chuta tanga step a chho in Pi Lalmuanzovi In thleng, Pu Thansanga In huam telin.

(Total Number of Households contained – 15)

Heng Containment Zone/Area chhunga khawsa, harsatna neite tan a hnuaia mite hi biak pawh theih an ni ang.