No.1308/2021-2022

Aizawl 8th July 2021: Aizawl DC chuan Sairang (Dawr Veng) hmun thenkhat Containment Zone/Area-a puan a nih thu a chhuah a. Hemi chungchanga DC thuchhuah chu a hnuai a mi ang a ni e.

Aizawl khawpui chhungah COVID-19 positive hmuhchhuah a pung zel  a. Veng thenkhatah chuan COVID-19 punna hi a tam zualin, heng vengte dinhmun hi zirchian a nih hnuah COVID-19 hrileng darh zel tur venna atan Containment Zone/Area-a puan a ngai tih hmuh a ni a.

Chief Medical Officer, Aizawl West in zirchianna leh a tul anga hma a lak hnuin, Sairang Dawr Veng hmun thenkhat chu  Containment  Zone/Area-a   puan rawtna a rawn thlen a.

Chuvangin, Section-34(b)(c) of the Disaster Management Act, 2005 behchhanin hnuaia Sairang (Dawr Veng) hmun tarlan te hi ni 08.07.2021 (Ningani) Zan dar 10:00 atangin Containment Zone/Area-ah puan a ni.

Heng area chhungah hian Deputy Commissioner-in phalna a pekte, Medical duty, Security duty, helai hmuna duty pawimawh nei tura ruatte leh SOP for Containment Zone/Area vide Order No.C.16011/298/2020-DC(A)/Lockdown dt. 30.06.2021 in phalna a pekte bak mi  tumah an lutin an chhuak  tur a ni lova,  veng leh veng inkalpawhna kawng (main road) erawh chu ding lova tlan tlang phal a ni ang. Containment Zone-a hman tura inkaihhruaina (SOP) siam chu mitinin zawm vek tur a ni.

SAIRANG (Dawr Veng) Containment Zone/Area:

Saron Veng atanga Kurung Lei Inkar, National Highway kawng thlang lam zawng

Buffer Zone - Pu Rualkhuma Mual, Pu Lalhmingliana in atanga thlang lam zawng.

(Total Number of Households contained – 134)

Heng Containment Zone/Area chhunga khawsa, harsatna neite tan a hnuaia mite hi biak pawh theih an ni ang.