Mizoram sorkar hnuaia college zirtirtuten UGC pay mila hlawh an lak tawhna arrear pek tur chu UGC in May ni 15, 2019 khan a rawn sanction. New Delhi a bawhzuitu  Higher & Technical Department Minister Dr R.Lalthangliana chuan Mizoram Sawrkar hnuaia College zirtirtuten UGC pay mila arrear an lak tur chinfel a nih tak thu hi a sawi a, Mizoram sorkarin College zirtirtute 7th pay mila hlawh a lo pek tawh chu arrear an lak theih nan UGC hian zaa 50 a rawn tum dawn a ni. Ministry of Human Resource chuan hemi chungchang Mizoram sorkar a hriattirah chuan sum a rawn tum tur hi Rs 39,75,06,902/- anih thu a tarlang a.  Additional expenditure atana sum pek tur hi 1.1.2016 - 31.3.2019 chhung atan a ni tih tarlan a ni bawk.

Minister hian Delhi a cham chhungin Ministry of Human Resources hnuaia Department of School Education & Literacy leh Department of Higher Education bakah National Institute of Urban Affairs, Ministry of Textiles, Ministry of External Affairs, Ministry of AYUSH leh Ministry af Food Processing Industry te a dawr a Mizoram mamawh chi hrang hrangte thlenin a bawhzui bawk a ni.