Vawiin khan Pu Joseph Lalhimpuia, MLA, Chairman, Mizoram Youth Commission, chuan St. Paul’s Higher Secondary School-a Commerce Department zirlaite buatsaih COM FAIR 2018 chu hmanpuiin, programme hawnnaah hian khuallian a ni.

MYC Chairman chuan zirlaite chu thawkrim tur leh tumruhna nei tlat turin a fuih a, beidawng mai lova an theihna zawng zawng nena lehkha zir sauh sauh turin zirlai naupang kalkhawmte chu a fuih a ni. MYC-in zirlaite leh hna zawng mekte tan hmalakna tam tak an neih mek thu a sawiin, Online Coaching – IAS leh IIT-JEE & NEET Coaching te, Army Pre-Recruitment Training-te leh thalaite tana hamthatna tur hrang hrang  an dap chhoh zel thu te a sawi bawk a ni. School tha tehna atan Top 10-a inhlankai ringot a tawk tawhlo, a ti a. Mahni tumruhna leh thawhrimna nena engkim beih chhohnaah hlawhtlinna a hmuhtheih a ni, tiin a fuih bawk a ni. Midangte tana malsawmna nih tum theuh turin zirlaite a chah a, Kohhran thalai hrang hrangte nena thawhhona tha leh inlungrualna tha neih theih nan MYC chuan Exposure Tour-te buatsaihin, a hlawhtlin thu leh zawngchhang thlak hle a a hriat thu a sawi bawk a ni. 

He COM FAIR 2018 hi Pi Lucy Joseph, Vice Principal, St. Pauls HSS chuan kaihruaiin, Pu Rinzuala, (IIM-K) chuan Career Options in Commerce tih hmangin presentation a pe a; Dr. Laldinliana Varte Asst. Professor, Dept. of Commerce, MZU chuan Entrepreneurship Development Skills  tih hmangin naupang kalkhawmte chu zirtirna a pe bawk a ni.