No.3174/2020-2020

Vawiin khan Commerce & Industries Director Pu J.Hmingthanmawia ho in Commerce & Industries Department Conference Hall-ah Mizoram chhunga thei, thlai leh sa rate chungchangah a vawithumna atan meeting an nei.

Meeting-ah hian study team report hrang hrang ngaihthlak a ni a, survey uluk taka neih zel ni se, a hma thei ang bera thei, thlai leh sa rate mumal tak ruahmanna (price regulation) neih ni se tih remtih a ni.

Meeting hmasa-ah Study Team din rem ti tawh a ni a, convener-ah Director, Commerce & Industries ruat niin, member atan Department hrang hrang Food, Civil, Supplies & Consumer Affairs, Fisheries, AH & Vety, Economics & Statistics, Agriculture, Horticulture, Law & Judicial, Legal Metrology Department leh DC, Aizawl atangin ruat ni se tih ni ni 26.5.2020 khan rem tih a lo ni tawh a ni.