2142/2023-2024

Aizawl, 03.10.2023: Building pakhata Industrial unit hrang hrang awm theihna Flatted Factory Complex Mizoram District pali a dinna tur chu vawiin chawhnu khan Commerce & Industries Minister Dr. R. Lalthangliana chuan lungphum a phum. Aizawl, Lunglei, Champhai leh Kolasib a Flatted Factory Complex sakna tur lungphum phumna inkhawm hi Industrial Growth Complex, Luangmual ah Commerce & Industries Department in a buatsaih a ni.

Thu sawiin Minister Dr. R. Lalthangliana chuan factory complex din tura bultanna chuan hmasawnna a chhuah ngei a beisei thu a sawi a. He project kaltlang hian miin awlsam zawkin industry an din theih phah tur thu leh Industry din thar duhte’n building leh hmunhma buatsaihna atana sum tam tak an sen ngai thin chu a chhawk zangkhai tur chu lawmawm a tih thu a sawi a. He flatted factory complex dinna tur sum hmuh hi sawrkar laipuii 90% tum in state sawrkar in 10% a lo do let ve tur a ni a. Sum indaihlohna karah state in a tangkaipui tur thilah chuan sawrkar chuan a ngaihpawimawh thu a sawi.

Commerce & Industries Minister chuan Industry lama hmasawn turin Road map mumal tak siam a pawimawh thu sawiin IGC chu tangkai zawka chhawr thiam pawimawh a ti a. Vawiina lungphum phum tak factory complex hian Mizoram pum factory space 113 a siam tur chu a tawpna ni lovin, nasa zawka industry hmanga sum lakluh a, economy chawikang turin department leh a thawhpui te bakah entrepreneur te'n ngaihtuahna seng zel se a ti a. Thalaite zingah theihna leh remhriatna nei tam tak an awm thu a sawi a. Minister chuan Bangladesh a textile industry lian tak chu entirnaah hmangin, hmathlir tha tak neiin, belhchian dawl leh thawnchhuah tham siamchhuak turin hma la ang u tiin kalkhawmte a sawm a ni.

Commerce & Industries Director Pi Florence Zotluangpuii chuan heng factory complex pali din tur chungchang tlangpui report a pe a. Sawm bik te hnen atangin thusawi ngaihthlak ni bawkin C&I Addl. Director Pu Lalhmunsiama chuan law.thu sawiin hun a khar a ni.

Flatted Factory Complex sakna tur hi sawrkar laipuia Ministry of MSME atanga sum hmuh hmanga din tur a ni a. IGC Luangmual, Aizawl; IIDC Pukpui, Lunglei; IIDC Zote, Champhai leh DIC Complex, Kolasib ah te he Complex hi sak tum a ni.

Project in a ken telte chu hengte hi a ni:

1) IGC Luangmual, Aizawl: ?9.9845 Cr
(i) Hmun luah zau zawng: 2676.01 sqm /28805.30 sq. ft
(ii) Complex hian heng te hi a keng tel:
(a) Type I Space (30sqm/322.92 sq ft): 10
(b) Type lI Space (35 sqm/376.74sq ft): 5
(c) Type Ill Space (47 sqm/505.9 sqft): 12
(d) Type IV Space (23 sqm/ 217.57 sqft): 3
(e) Factory office: 3
TOTAL: 30 nos. of factory space
(iii) Other Features:
(a) Weigh Bridge.
(b) Dedicated transformer 250KVA
(c) Solar street light

2) IIDC Pukpui, Lunglei :Rs. 9.9796 Cr
(i) Hmun luah zau zawng: 1948.5 sqm / 20973.4794 sq. ft
(ii) Complex hian heng te hi a keng tel:
(a)Type I Space (30sqm/322.92 sq ft) :10
(b) Type II Space (35 sqm/376.74 sq ft) :5
(c) Type III Space (47 sqm/505.9 sq ft): 7
(d) Type IV Space (23 sqm/ 247.57 sq ft):2
(e) Factory office : 2
TOTAL : 24 nos. of factory space.

3) IIDC Zote, Champhai : Rs. 9.9336 Cr
(i) Hmun luah zau zawng: 1948.5 sqm / 20973.4794 sq. ft
(ii) Complex hian heng te hi a keng tel:
(a) Type I Space (30sqm/322.92 sq ft) :10
(b) Type II Space (35 sqm/376.74 sq ft) :5
(c) Type III Space (47 sqm/505.9 sq ft) :7
(d) Type IV Space (23 sqm/ 247.57 sq ft) :2
(e) Factory office : 2
TOTAL : 24 nos. of factory space

4) DIC Complex, Kolasib: Rs. 14.9900 Cr (Rs. Vaibelchhe 14.99)
(i) Hmun luah zau zawng: 2922.75 sqm / 31460.21917 sq. ft
(ii) Complex hian heng te hi a keng tel
(a) Type I Space (30sqm/322.92 sq ft): 15
(b) Type II Space (35 sqm/376.74 sq ft) : 5
(c) Type III Space (47 sqm/505.9 sq ft) : 12
(d) Type IV Space (23 sqm/ 247.57 sq ft): 3
(e) Factory office : 3
TOTAL : 35 nos. of factory space
(iii) Other Features :
(a) Marketing outlet : 8 nos.
i. Type I space (41 Sqm/441.32 s ft):2
ii.Type II space (38 Sqm/409 sq ft): 6
(b) Weigh Bridge
(c) Dedicated transformer 250KVA
(d) Solar street light