2141/2023-2024

LUNGLEI; the 3rd October,2023: Vawiinah khan National Voluntary Blood Donation Day 2023 chu Govt. Higher Secondary School, Lungleiah chawhnu dar 2:00Pm khan hman a ni a. 

He hunah hian Pi Ramdinliani, IAS, Deputy Commissioner chu khuallian niin, Pu Lalrammuana Chawngthu, President, Association for Voluntary Blood Donation Lunglei chairman-na hnuaiah Programme hlung taka hman a ni. Chairman in tawngtaina nen hun a hawng a, Association For Voluntary Blood Donation in hma an lo lak tawhna report tawi a pek chhunzawm a. Zirlaite zinga Voluntary Blood Donation awmzia leh a pawimawhna te sawiin, mahni duhthlanna ngei a thisen pek uar lehzual turin a fuih bawk a ni. 

Khuallian Pi Ramdinliani IAS, Deputy Commissioner Lunglei in thusawina tawi neiin HIV darh zel tur ven nan thalai te kan pawimawh zia te, midang te tana thisen pek aia thil tha tih a awm tamloh thu te a sawi a. Thisen hlutna leh khawvel pumpui huapah Mizoram tluka thisen inpek leh dawn awlsamna a tamloh thu te sawiin, mahni rilru leh taksa hriselnan te, thisen pek hmaa screening kan neih hian mahni dinhmun hriatna remchang a ni thu te a sawi a, zirlaite thisen pek uar sauh sauh turin a fuih hlawm bawk a ni. 

He hunah hian National Voluntary Blood Donation Day lawmna bakah zirlaite hnenah heng thupui hmang hian Awareness neih nghal a ni – i) Thisen pek thatna leh thisen pe tura nunphung hrisel ii) HIV chungchang inzirtirna iii) Voluntary Blood Donation pawimawhna. 

Awareness pe tur hian Resource person atan Dr. Vanlallawma Khiangte, Blood Bank Officer, Civil Hospital Lunglei, Pi Lalnunzami Chawngthu, Project Manager, Grace Society Lunglei leh Pu R. Lalrochama, Associate Professor, Govt. College Lunglei te ruat an ni. Awareness bakah hian zirlaite nen hun hlimawm tak hmangin, guest artist Regina Lalbeiseii leh Govt. Higher Secondary School zirlaiten zaiin mipui kalkhawmte an awi a. Dr. K. Lalhmachhuana, District AIDS Control Officer chuan lawmthu sawina neiin programme hi a khar ta a ni.