2140/2023-2024

Champhai the 3^rd October, 2023 - Vawiin khan District AIDS Prevention Control Committee leh Association For Voluntary Blood Donation, Champhai bultumin National Voluntary Blood Donation Day hman a ni.

National Valuntary Blood Donation Day hi October ni 1 a ni a, Pathianni a nih avangin vawiin khan hman a ni. He hun hi Champhai South Higher secondary school ah neih niin, Dr. Zatluanga, President AVBD chuan a kaihruai a, Khuallian Pu James Lalrinchhana, Deputy Commissioner, Champhai chuan thu sawiin zirlai kalkhawmte chu he hun hi midangte tana malsawmna kan nih theih nana pawimawh tak a nih thu a sawi a, midang nun chhan nana thisen pe tawh zawng zawngte fakawm a ti a, thisen pe theitu a kan awm a nih chuan thisen pek uar sauh sauh turin kalkhawmte chu a chah bawk a ni.

Khuallian chuan thisen kan pek hian a dawngtu chauh nilo, a petu te kan hlawkpui ani a ti a, thisen pe thei turin kan nun kan uluk a, ruihhlo laka kan fihlim a, kan taksa tana thalo lam lakah kan inthiarfihlim a ngai a ni tiin kalkhawmte chu a chah a, kan nun kan uluk kan hriselna kan vawn that chuan midangte tan malsawmna kan nithei a ni tih hrereng turin zirlai kalkhawmte chu a chah bawk a ni.

National Voluntary Blood Donation Day ah hian Dr. Krosnunpuii, Blood Bank Officer chuan thisen pek thatna leh thisen pe tura nunphung hrisel tih thupui hmangin kalkhawmte hnenah thu a sawia, PC Lalchuangkima, Asst. Secretary, AVBD in Voluntary Blood Donation pawimawhna a sawi bakah Dr. Vanzarliani, DACO hnen atang HIV chungchang zirtirna ngaihthlak a ni bawk a ni.