No.2604/2021-2022
Aizawl 14th October, 2021: Vawiin khan Commerce & Industry Minister Dr. R.Lalthangliana’n Pradhan Mantri Formalisation of Micro Food Processing Enterprises (PMFME) Scheme chu Assembly Annex II - ah Mizoram-a kalpui tan turin a hawng.

Minister Dr. R.Lalthangliana chuan covid hripui lengin eizawnna a ngawng dawmlet leh inkhaihchhuah nan Ministry of Food Processing Industries chuan PMFME hi June ni 29, 2020 khan India ram puma hman turin a tlangzarh a, PMFME in a ken tel- One District One Product Approach (ODOP) uluk taka district-a kalpui leh tharchhuah te hralhna tur ngaihtuah bakah khawchhung intodelh thlai, thei thlanchhuah thiam chu a pawimawh tak zet dawn a ni, a ti a. Traning mumal tak Resource person ten an kalpui ang a, PMFME scheme hian Food Processing Entrepreneur tenau zawkte mumal zawka siam a, an thil siamchhuahte awmze nei zawk a hralh theih tura tih changtlun chu a tum ber a ni, tiin a sawi. Thlai leh thei tharchhuah te mumal zawkin, a sawngbawltu te nen a thlun zawm dawn a, mizo thalai hnathawk thei, mi tum ruh tak tak ten he scheme hi tangkai ngei se a duhthu a sawi a ni.

PMFME Scheme kalpui turin Commerce & Industries Department chu State Nodal Agency a ni a. State Project Management Unit atan MIFCO dah a ni a. He scheme hi Individual Entrepreneurs, Farmers Producers Groups, Co-operative Societies leh Self Help Groups ten tangkai taka an hman theih tura duan a ni a. Mizoram hmun hrang hrang a Self Help Group member 1038 te tanpuina tur MzSRLM hnuaiah kalpui mek a ni a. Seling hmuna Common Incubation Centre siam tura ruahmanna pawh Ministry in a pawm tak avangin, hma lak mek a ni bawk a ni.

He hun hi Commissioner & Secretary Pi Esther Lalruatkimi chuan kaihruaiin, MIFCO General Manager Pu Zosangliana chuan PMFME Scheme chungchang sawi zauna a nei a, State Nodal Officer Pi Florence Zotluangpuii chuan lawmthu sawiin he hun hi a khar a ni.

Attachment

  • Loading attachment...