No.1207/2021-2022
Lunglei 1st July 2021: Lunglei Addl. SP Pu.C.Lalfakmawia, MPS chuan Lunglei District chhunga Commercial Vehicle tlan dan tur chungchang ah vawiin Dt 1.7.2021 hian a hnuai a Notification hi a tichhuak.
Deputy Commissioner, Lunglei District, Lunglei in inkaihhruaina dan Order No.B.13018/119/2020/DCLR Annexure-I Dt.30.6.2021 a tih chhuah ah Commercial vehicle te tlan dan tur ruahmanna siam tur a min tih angin, Lunglei District chhungah Commercial vehicle te tlan dan tur chu a hnuaia mi ang hian siam a ni a. He ruahmanna siam hian 2nd July 2021 zing dar 4:00 atangin 15th July 2021 zanlai dar 12:00 thleng a huam ang.
I. LUNGLEI KHAW CHHUNG (TOWN AREA):
Lunglei khaw chhung a Commercial vehicle-te chu Deputy Commissioner, Lunglei District, Lunglei inkaihhruaina Commercial passenger vehicle-te tan a alo siam vide Order No.B.13018/119/2020/DCLR Annexure-I Dt.30.6.2021 point No.2 (8) te zawm chungin a hnuaia mi ang hian tlan dan tur ruahmanna siam a ni.
1. Goods Carrier (Bungrua phur lirthei) reng reng chu kartin Thawhtanni atanga Inrinni thleng an vai in tlan phalsak an ni a, amaherawh chu a hire-tu (Hmangtu) ten VLTF ah phalna an la hmasa tur a ni. Dan dinglai angin passenger te an phur tur a nilo. Trip changa stand-ah din phal ani lo.
2. Taxi-te chu kartin Thawhtanni atanga Inrinni thleng an vai a tlan phalsak an ni . Passenger pathum aia tam an phur tur ani lo.
3. Autorickshaw te a hnuai ami ang hian an tlan phalsak an ni a, passenger pahnih aia tam an phur tur ani lo.
Sl.No | Tlanni | Tlan theite |
1. | 2.7.2021(Zirtawpni) | Motor number digit tawpa 0,1,2 awm te |
2. | 3.7.2021(Inrinni) | Motor number digit tawpa 3,4,5 awm te |
3. | 5.7.2021(Thawhtanni) | Motor number digit tawpa 6,7,8,9 awm te |
5. | 6.7.2021(Thawhlehni) | Motor number digit tawpa 0,1,2 awm te |
6. | 7.7.2021(Nilaini) | Motor number digit tawpa 3,4,5 awm te |
7. | 8.7.2021(Ningani) | Motor number digit tawpa 6,7,8,9 awm te |
8. | 9.7.2021(Zirtawpni) | Motor number digit tawpa 0,1,2 awm te |
9. | 10.7.2021(Inrinni) | Motor number digit tawpa 3,4,5 awm te |
10 | 12.7.2021(Thawhtanni) | Motor number digit tawpa 6,7,8,9 awm te |
11. | 13.7.2021(Thawhlehni) | Motor number digit tawpa 0,1,2 awm te |
12. | 14.7.2021(Nilaini) | Motor number digit tawpa 3,4,5 awm te |
13. | 15.7.2021(Ningani) | Motor number digit tawpa 6,7,8,9 awm te |
4. Commercial vehicle passenger phur te chu an stand capacity a 50% aia tam an din phalsak an nilo.
5. Passenger phur te hian an motor ah register an kawl tur a ni a, an passenger te hming leh address leh phone number chiang takin an ziak tur a ni.
6. Passenger phur chi te hian an veng VLTF te hriatpuina leh phalna lehkha an nei ngei tur a ni.
7. Commercial vehicle tlan chhuak tur te hi zing lam dar 5:00AM atanga tlai lam dar 7:00PM thleng an tlan phalsak an ni.
8. Chawlhni (Sunday) ah commercial vehicle eng chi mah tlanchhuah phal a ni lo.
9 Maxicab service chungchangah inkaihhruaina DC lehkha No.B.13018/119/2020/DCLR point No. 1(1) in asawi ang hi zawm tur ani.
II. LUNGLEI DISTRICT CHHUNG HMUN DANG:
Commercial vehicle–te Lunglei khaw pawn a awmte tan an khaw VLTF te phalna leh Lunglei DC-in inkaihhruaina dan atih chhuah tha taka zawm chunga Thawhtanni atanga Inrinni thleng tlan phalsak an ni .
