No.1206/2021-2022
Mamit 1st July, 2021 : Mizoram Sawrkar Disaster Management & Rehabilitation Department inkaihhruaina vide order No.B.13021/101/2020 - DMR/Vol-V Dt.29.06.2021 -in a sawi angin Ni 30.06.2021 zing dar 04:00 atanga Ni 15.07.2021 zanlai dar 12:00 thleng hian Mizoramah COVID-19 hripui laka kan him theihna turin State-in inkaihhruaina a siam te kalpui chhunzawm a ni dawn a, heng a hnuaia inkaihhruaina tarlante hi Mamit District mipuite'n kan zawm ngei ngei tur a ni. He thupek hian a hma lama Mamit District chhunga COVID-19 chungchanga inkaihhruaina thupek awmsate chu a luahlan (supersede) nghal ang.
A. MAMIT DISTRICT CHHUNGA INKAIHHRUAINA ZAWM TUR TE:
1. State dang atanga Mamit District lo lut tur te chu mPass -ah an in-register ngei ngei tur a ni a, Sorkar-in Entry point a siam atang chauhin an lo lut tur a ni.
2. Chhiat tawh, damloh leh tul bik thila zin veivah tul tan an awmna VLTF te hriatpuina lehkha kengin an zin veivak thei ang. Hetiang hriatpuina lehkha neite zin nan hian mimal lirthei leh Mizoram chhung khaw kar kawnga passenger phur lirthei (commercial passenger vehicle) te hman phal a ni.
3. Sorkar hna (Official Duty)-a Sorkar hnathawk AMC area atanga zin chhuak leh lut tur te'n LLTF/VLTF te phalna lak a ngai lo vang. Amaherawhchu, an identity card leh transfer order/detailment order
Police/ COVID-19 Executive/LLTF/VLTF te enfiah turin an keng ngei tur a ni.
4. Lirtheiah te hian registration-a seating capacity tarlan bak chuan phal a ni lo. Lirthei khalhtute leh an phurh te'n mask/hmai tuamna an vuah vek tur a ni. Passenger-te hman tur hand sanitizer an pai reng tur a ni.
5. Hemi hunchhung hian eizawnna leh tul bik thil ni lova veivah leh inlenpawh khap tlat a ni. Office kai tur leh phalna neite bak chu tumahin mahni in/compound an chhuahsan tur a ni lova, building khata in hrang hrang luahte pawh intlawhpawh loh tur a ni.
6. Tul bik thila pawn chhuak tur reng reng chuan face mask leh hmanraw dang hmangin hmai an tuam ngei ngei tur a ni. COVID-19 hrileng tamna veng/khua- ah veivah tulna a awm chuan, a theih chen chenah chhungkaw member zinga COVID-19 vaccine la tawhte chauh zel chhuahvah tur a ni.
7. Vantlang hmuna kalte chu feet 6 tala inhlat a awm tur a ni.
8. Dawr leh bazar hawn chungchangah vawi khata mipui tam tak pungkhawm tur ven nan VLTF te'n ruahmanna an siam ang.
9. Eizawnna leh hmasawnna hnathawh chungchangah CAB uluk taka
zawm chungin kalpui tur a ni.
10. He inkhuahkhirhna thupek kalpui chungchangah hian VLTF te chuan an khua/veng chhung theuhah COVID-19 do nana an hmalaknate an chhunzawm zel ang.
11. Hemi hunchhung hian lirthei a veivah khap tlat a ni. Amaherawhchu,
hei hian annexure a activities/hnathawh phal tarlan te leh a hmuna thawkte chetvelna lirthei a huam lo ang.
B. QUARANTINE CHUNGCHANG:
1) Mizorama lo lut entry point a RAgT negative te chu fimkhur takin self-monitoring (mahni hriselna inchik)-in mi dang nena in-contact lovin Ni 10 chhung mahni in-ah (Home Quarantine) an inkhunghrang ang. Ni 10 hnuah RT-PCR/TrueNat test an nei ang a, negative result an neih chuan inkhung zui a ngai tawh lo ang.
2) Home quarantine-a awm turte chuan inkhunghranna tur riahna (bedroom) leh inthiarna (attached toilet) hran an nei tur a ni. Chutiang ruahmanna nei te chu an chhungkaw member te inkhung hran ve kher a ngai lo vang.
3) Midangin an tawmpui loh tur riahna (bedroom) leh inthiarna (attached toilet) hranpa nei lo home quarantine phalsak an nih erawh chuan an chhungkaw member te pawh pâwn chhuak lo leh midang nen inkalpawh lovin Ni 10 chhung an awm tur a ni.
4) Home quarantine dil tur reng reng chuan Mizoram lo luh hma ngeiin mahni bialtu VLTF te remtihna leh hriatpuina ziak a lak hnuah online hmangin mcovid19.mizoram.gov.in/pages/qf-application -ah emaw ziakin DC Office, Mamit-ah dilna theh luh thin tur a ni a. Medical lam te biak rawn hnuah Home Quarantine phalna hi pek thin a ni ang. Deputy Commissioner hnen atanga phalna hmu lo te chu mahni thu a lo in Home Quarantine loh tur a ni. Home Quarantine
chungchanga hriat duh neite tan heng phone number-ah hian zawhchian theih a ni e. 9774752681, 9862787075, 6909891973.
5) Heng a chunga inkaihhruainate hi an zawm ngei a ni tih an awmna veng VLTF te'n an endik (monitor) thin ang.
6) Home quarantine-a awmna tur hmunhma (facility) nei lote chu Community Quarantine Facility (CQF)/Government Quarantine Facility (GQF)-ah anmahni sensoin an inkhung hrang ang.
7) Hun rei lote chhung (short stay), darkar 96 aia rei lo Mamit District cham tura lo kal te chuan entry point an lo thlen hmâ darkar 72 aia hlui lo RT-PCR/TrueNAT/CBNAT (ICMR recognized laboratory)
hmanga COVID-19 test result negative (SRF ID awm) an neih a, entry point-ah RAgT negative result an neih bawk chuan inkhung hran a ngai lovang. Anmahni chah chhuaktu/buaipuitute'n an tana hmun ruat bikah dahin fimkhur takin an tih tur bik an tihpui ang a, midang nena in-contact lo thei tur ang berin ruahmanna an siam ang.
8) State pawn atanga thlawhnaa lo lutte chu Transport Department-in
empanelled vehicle, Order No.G.28016/2/2020-TRP dt.16.04.2021-a a tarlan te'n an phur thei ang a, mahni motor hmanga zin haw phurtute chuan an passenger-te nena in-contact lo thei tur ang berin fimkhur takin ruahmanna an siam ang. Kalkawngah pawh midang nena in-contact tura din khawmuan loh tur a ni. Tin, motor hmanga Mizoram lo lut te chu an motor hmanlai hmangin, hmun danga chawl lovin, an in-quarantine-na hmun an pan nghal tur a ni. Amaherawhchu,
remchan lohna avanga motor thlak a ngai a nih chuan mahni private motor uluk taka daidanna siamin emaw Transport Department
empanelled motor te chauh hmangin an kal chhunzawm tur a ni.
9) State pawn atanga thlawhna emaw lirthei emawa lo lut te hian VLTF te hriatpuina lehkha lak ve kher a ngai lo vang. Mizoram an luhna hmun atanga an kalna tur (destination) an thlen nan chauh mPass-a an in-
register na chu kal phalna (pass) atan pawm a ni ang. mPass hi hmun dang tlawh kual nan hman phal a ni lo. Amaherawhchu, an lo thlen hma-in an veng/khua VLTF te an hriattir lawk ang.
10) State pawn atanga Mamit District lo lut tur reng reng chuan Screening leh quarantine dan tur fel taka ruahman anih theih nan Mizoram an rawn luh hma ngeiin mCOVID-19 mobile application mPASS-flight emaw mPASSroad hmangin an in-register lawk tur a ni. Home quarantine dil duh tan online-in mcovid19.mizoram.gov.in -ah a dil theih bawk. Tin, State pawn atanga Mamit District lo lut tur reng rengin Mizoram an lo luh hma ngeiin an veng/khua VLTF hnenah leh Covid-19 Monitoring Team, DC Office, Mamit (Ph: 9862787075, 6909891973, 9862868510) -ah te hian inhriattir lawk zel tur a ni.
C. BUNGRAW CHAWKLUH LEH THIAR CHUNGCHANG
1) State pawn atanga bungraw lakluh nan phalna hranpa lak ngai lovin lakluh theih a ni ang. Amaherawhchu, mCOVID-19 -ah an in-register vek tur a ni.
2) Bungraw lak luh phurtute (driver leh handyman) hi entry point-ah uluk taka screening neih chhunzawm zel tur a ni ang a. Screening neih laia symptoms neite chu RAgT hmanga endik an ni ang. Tin, bungraw phur motor-ah reng reng hian midang (passenger) an chuang tur a ni lo.
3) State pawn atanga bungraw lak luh phurtute (driver leh handyman) te chu an kalphung pangngai angin khaw dâiah anmahniin eirawng an inbawl chawp ang a, khaw chhungah midang nen inchiahpiah lovin an bungrua an unload zawh veleh an let leh nghal ang. An bungrua unload chhung hian midang te atanga feet ruk (6) tala hla-ah an awm tur a ni.
4) State pawn atanga bungraw lak luh phurtute (driver leh handyman) te chu backload lak tur zawngin Mizoram hmun dangah an kal kual tur a ni lo.
5) Bungrua la lut tur reng rengin bungraw thlen hmain an veng/khua VLTF-te hnenah an hriattir zel tur a ni a. VLTF-te hian a tul angin ruahmanna an siam thin ang.
6) Mamit District chhungah Mizoram-a bungraw awmsa emaw siamchhuah/tharte thiar chungchangah inkhuahkhirhna a awm lovang.
7) A chunga tarlan driver leh handyman-te hian kawng laka harsatna an tawh thulhah State Control Room (Toll free 1070,
landline 0389-2342520, mobile 7628072785 and whatsapp
9366331931) leh COVID-19 (Medical) helpline number (Toll free 102, landline 0389-2323336, 0389-2322336 leh 0389-2318336)-ah
telephone-in an harsatnate an thlen thei ang. Heng number te hi motor lo lut driver leh handyman te'n awlsam taka an hmuh mai theih turin Screening Point-ah langsar deuhva tar tur a ni.
D. PHALNA NENA KALPUI TUR THILA INKHUAHKHIRHNA TE
Inkhuahkhirh hun chhung atan hian Mamit District chu hmun (category) hnihah then a ni a. Chung te chu 1) District Headquarters leh 2) khaw dang zawngte (others) an ni ang a. Heng hmuna hna leh hmalakna (activities) kalpui phal te chu Annexure-II -ah tarlan a ni a. Phalna neia kalpuiah hian hengte hi zawm ngei tur a ni:
1) Dawr nghaktu leh hnathawktu te chu vaccine dose khat tal la tawh an ni ngei tur a ni. Vaccine an la tawh a ni tih finfiahna (proof) an kawl tur a ni a, hei hi VLTF/Police/ Executive Duty
ten an check thin ang.
2) Thlai/chawhmeh bazar kalte thawl tak leh midang nena inhnaih lova an bazar theih nan chawhmeh zuartute thutna inkarah feet 6 tal hmun awl an zuah zel tur a ni.
3) Veng danga dawr/mimal sumdawnna (private-owned
company/office) pan turte chuan an chenna veng VLTF te ziaka phalna (movement permit) an keng ngei tur a ni.
4) Annexure-II a Office/dawr/sumdawnna, adt. hawn phal te hian
an inhawn theih hun chhung bituk te hi tha takin an zawm tur a ni.
5) Commercial passenger vehicle (bus, taxi, maxicab etc.) te chuan an motor-ah hand sanitizer an pai reng tur a ni a, Driver leh passenger te'n face mask an vuah ngei bawk tur a ni. Seating capacity aia tam chuan phal a ni lo. Commercial vehicle
khalhtute leh conductor-te hi vaccine dose khat tal la tawh an ni ngei tur a ni. Vaccine an la tawh a ni tih finfiahna (proof) an kawl tur a ni a, hei hi VLTF/Police/ Executive Duty te'n an check thin ang.
E. SAWRKAR OFFICE
Mamit District chhunga Mizoram Sawrkar hnuaia office te chu Annexure-III a tarlan angin an kal ang.
F. COVID APPROPRIATE BEHAVIOUR (CAB):
Covid-19 hri laka kan himna tur atan mitin hian tih tur pawimawh tak kan nei theuh a. Chung tih tur leh zawm tur CAB te chu Annexure-I & II-ah tarlan a ni a, mitinin zawm theuh tur a ni.
G.VENG/KHAW BIL INKHUAHKHIRHNA
1. He order/ kaihhruainain a huam baka veng bil bik tana
khuahkhirhna khauh zawk neih tul tihna a awm chuan, a chhan leh avang chiang taka ziakin VLTF te'n Deputy Commissioner hnenah rawtna an siam thei ang. VLTF te'n anmahni thuin inkhuahkhirhna hranpa/ Containment Area/ Restricted Area an puang tur a ni lo.
2. VLTF te'n he Oder-in a inkhuahkhirhna a siam bak pelin anmahni thuin veng/khua bil inkhuahkhirhna hranpa/ curfew/ lockdown/
Containment Area/ Restricted Area an puang tur a ni lo. Tin,
kawngpuiin a paltlang khua te'n an khaw kaltlanga khaw danga kal tur zin veivak te leh an lirthei an dang tur a ni lo.
Heng a chunga tarlan bakah hian Mizoram sawrkar Order
No.B.13021/101/2020-DMR/Vol-V Dt. 29.06.2021 in a tarlan inkaihhruaina hrang hrang te chu Mamit District chhungah pawh a ngai anga hman/kenkawh a ni ang.
ANNEXURE-III
Mamit khawpui chhung leh Mamit khawpui pawna a mite tan phal leh phal loh chin :
1. Zirna In - Mamit khawpui chhung leh Khawpui pawnah hawn phal loh ve ve a ni.
2. Board Exam, recruitment exam, adt Mamit khawpui chhung leh Mamit khawpui pawnah Sawrkar phalna la tan chauh phal ve ve a ni.
3. Inkhawm pangngai phal loh. Zing leh tlai tawngtai neih phal ve ve a ni.
4. Inneih inkhawm leh mithi vui Mi 30 aia tam lo. Ei leh in sem phal a ni lo.
5. Public park, Picnic Spot, adt hawn phal loh a ni.
6. Sports practice (indoor & outdoor) Mamit khawpui chhungah phal rihlo a ni a, a tul dan anga enzui a ni ang.
Mamit khawpawnah VLTF te hriatpuina leh ruahmanna-in Sport Practice phal a ni. (Indoor-ah mi 10 aia lo leh Outdoor- ah mi 25 aia tam lo)
7. Zing leh tlai walking leh cycling exercise Zing dar 4:00 -7:00 leh
Tlai dar 5:00 -6:30 chhung phal a ni.
8. Sports inelna,
tournament, adt. phal loh ve ve a ni.
9. Mipui punkhawm -anniversary, Birthday, adt
phal loh ve ve a ni.
10. A huhova pawn chhuah (Lui kal, trekking, hiking, adventure sports, adt) phal loh ve ve a ni.
11. Construction works (mimal, leh sawrkar hnathawh), MGNREGA,
MPLAD, MLALAD, SIPMIU, adt. Phal ve ve a ni.
12. Quarry, tui lak, kawng laih, lei dawh phal ve ve a ni.
13. Huan, lo, sangha dil, ran vulh, adt. phal ve ve a ni.
14. Hospital, nursing home, clinic, laboratory, Blood donation leh blood bank phal ve ve a ni.
15. Covid 19 vaccination leh immunization programme
dangte, ambulance service phal ve ve a ni.
16. Animal disease control programme, Veterinary hospital, dispensary, clinic, zoo, hatchery, Feed mill/Ran chaw leh Slaughter House phal ve ve a ni.
17. Bank, Non- banking financial institutions, insurance, ATM,
post office leh postal services phal ve ve a ni.
18. Petrol/Diesel
filling station leh LPG distribution/ storehouse phal ve ve a ni.
19. Fair Price Shop (ration dawr) te leh FCS&CA Department/FCI hnuaia godown hawn phal ve ve a ni.
20. Child and women helpline, service, OST center, OSC, ART centre phal ve ve a ni.
21. Nau pai, nausen pawmlai leh
naupang te hnena nutrition (chaw tha) sem bakah nutrition sem tur godown
atanga phurh chhuah leh sem darh phal ve ve a ni.
22. Bawnghnute sem leh lakkhawm, chanchinbu sem phal ve ve a ni.
23. Private owned company/office- consultancy
services adt. Mamit khawpui chhungah Thawhlehni, Ningani leh Inrinni hawn phal a ni a. Khawpui pawnah Nitin hawn phal a ni.
24. Private security service, septic tank service (ek paih) phal ve ve a ni.
25. Print & electronic media, telecommunication, internet service, broadcasting leh cable service phal ve ve a ni.
26. Sanitation & solid waste management (hmunphiat leh bawlhhlawh paih te huamin) phal ve ve a ni.
27. Power & electricity, water supply (mimal tui chawite huamin) phal ve ve a ni.
28. Bungraw load leh unload hna Mamit khawpui chhungah State dang atanga lo kal bungraw phur te chuan zan dar 7:00 atanga zing dar 4:00 inkarah an bungrua an load/unload tur a ni. A ruaitu (employer) te'n I.D an siamsak ang. Mamit khawpui pawnah VLTF-te ruahmanna angin bungrua hi load/unload tur a ni.
29. Kawng laka lirthei chhe siamtute, Hei hian automobile dealer leh workshop hnathawkte tan Mamit khawpui leh khawpui pawnah phal a ni a. VLTF lehkha/ID card an keng tur a ni.
30. Courier service, e-commerce leh home delivery. State pawn leh State chhunga dawrkai leh sumdawngte bungrua, State chhunga thar/siam chhuah tiamin, online emaw phone hmanga order lawk sa te pek
(home delivery) leh e-commerce/home delivery phal ve ve a ni a. Hemi kaihhnawih a hna tul thawk tura an inhawn phal a ni bawk.
INSTRUCTION: Home delivery titute chu COVID vaccine first dose tal la tawh an ni tur a ni a, vaccine an la tawh tih finfiahna an keng zel tur a ni.
31. In a thil siam (home based industry)- carpentry,
steel fabrication, bakery, puan thui, puan tahna, adt. phal ve ve a ni.
32. Lirthei workshop leh tyre works hawn phal ve ve a ni.
33. Damdawi Dawr nitin hawn phal ve ve a ni.
34. Mamit khawchhunga dawr te chu Thawhlehni, Ningani leh Inrinni-ah te zing dar 5:00 atanga tlai dar 5:00 thleng hawn theih a ni. Heng ni tih lohah chuan nitin zing dar
9:00 thleng inhawn theih a ni. Mamit khawpui pawnah nitin hawn theih a ni.
35. Thlaichi dawr nitin hawn theih ve ve a ni.
36. Gym/Spa hawn phal loh ve ve a ni.
37. Restaurants Home delivery Mamit khawpui chhung leh pawnah phal a ni.
38. Bazar leh dawr hawn dan chungchangah Mamit khawchhunga dawr te chu Thawhlehni, Ningani leh Inrinni ah te zing dar 5:00 aṭanga tlai dar 5:00 thleng hawn theih a ni. Heng ni tihloh ah chuan nitin zing dar 9:00 thleng inhawn theih a ni. Mamit khawpui pawn ah erawh nitin hawn theih a ni ang.
39. Mamit District chhunga Mizoram Sawrkar Office- te chu Mamit khawpui chhung leh pawn ah
1) Group A officer - 100%.
2) Group B and below - 50%. A ṭul dan azirin 50% aia tam pawh kal theih a ni.
3) Office kailo te leh Covid duty- a tello te chu in lam aṭangin hna an thawk ang (Work from home).
40. Commercial Vehicles - Mamit khawpui chhunga taxi service te chu Thawhlehni, Ningani leh Inrinni-ah te tlanchhuah (Service) phal a ni. Heng ni piahlama ṭul bik thila tlanchhuak (Service) duhte chu VLTF phalna lehkha lain an tlanchhuak thei ang.
Maxi Cab (Sumo) leh Bus te chu an chhuahna veng VLTF te hriatpuina in tlan chhuah (service) phalsak an ni. Mamit khawpui pawnah erawh phal a ni.
INSTRUCTION: Driver leh Conductor te, dawr nghak tute leh hnathawk tur te chuan COVID vaccine first dose tal la tawh an ni tur a ni a,vaccine an la tawh tih finfiahna an keng tel zel tur a ni. Heihi VLTF/Police/Executive Duty ten an check ṭhin ang.
