Member of Parliament (MP) sawm(10) telna First Sub-Committee of the Committee of Parliament on Official Language chuan Aizawl-a Sawrkar Laipuia pisaah te pisa inrelbawlna leh hnathawhna kawnga Hindi tawng an hman chin, an hman dan leh uar zawka hman anih theih nan an hmalakna te endik turin zankhat riakin January ni 8 khian Aizawl an rawn thleng dawn a. Hemi ni vek hian Committee of Parliament on Official Language chuan Assam Rifles, Border Security Force leh Kendriya Vidyalaya ten Hindi hman chungchanga an hmalakna te an endik dawn a ni.

Vawiin khan hemi chungchangah Assam Rifles, BSF, Kendriya Vidyalaya Sangathan, DDK leh State Protocol aiawh te chuan Committee programme duan tawh sa te thlir hovin HQ 23 Sector Assam Rifles Conference Room-ah meeting an nei.

First Sub-Committee of the Committee of Parliament on Official Language-a member te chu Dr. Nirmal Khatri M.P.(Lok Sabha); Shri Rajendra Agarwal M.P.(Lok Sabha); Shri Shivanand Tiwari M.P. (Rajya Sabha); Shri Pradeep Tamta M.P.(Lok Sabha); Shri Dinesh Chandra M.P. (Lok Sabha); Shri Ashok Argal M.P. (Lok Sabha); Shri Gajanan D. Babar M.P. (Lok Sabha); Shri Mahabal Mishra M.P. (Lok Sabha); Shri Dara Singh Chauhan M.P. (Lok Sabha) leh Dr. Y. P. Trivedi M.P. (Lok Sabha) te an ni. Committee hi Shri Shyam Sunder, Secretary(Samiti); Dr. L. R. Yadav, Under Secretary leh midang pahnih ten an rawn tawiawm dawn a. A tuk January ni 9 a Kolkata panin Aizawl an chhuahsan ang.