Mizoram Legislative Assembly-a Committee on Estimates chuan vawiin khan an Chairman Pu Lalrinliana Sailo, MLA hovin Aizawl khawpui chhung Veng hrang hranga SIPMIU hmalaknaa tuizem (water reservoir) leh Chite hmuna Sewage Treatment Plant an tlawh a. Committee Chairman leh Member dang - Pu Vanlalzawma, Pu T.Sangkunga, Pu R.Vanlalvena leh Pi Vanlalawmpuii Chawngthu - te chu SIPMIU leh PHE officials ten tawiawmin an hnathawh leh hmalak dante an hrilhfiah.

MLA Committee on Estimates-in vawiina an tlawh tak tuizem te hi Asian Dvelopment Bank tanpuina nena kalpui mek Ministry of Urban Development hmalakna pakhat ‘North Eastern Region Capital Cities Development Investment Program(NERCCDP)’ hnuaia thawh niin SIPMIU chu a program kengkawhtu tur ber (implementing agency) ah dah an ni a. Committee-in vawiina a hmuna an tlawh leh enfiah tuizemte chu a hnuaia mi ang hi a ni a, heng tuizemte hi M/s S.S.Construction, Chaltlang, Aizawl thawh vek an ni :

1. Ground Level Water Reservoir, Stone Masonry Retaining Wall, RCC Retaining Wall & Approach road at Tanhril : hi ni 9.7.2012-ah tanin ni 20.12.2013 khan thawh zawh tawh a ni a. He tuizem atangin In (house connection) 265 pekchhuah mek a ni.

2. Ground Level Water Reservoir & Site Office (Semi RCC) at Govt. Complex : hi ni 12.10.2010-ah tanin ni 28.2.2011 khan thawh zawhfel a ni a. He tuizem atangin In (house connection) 506 pekchhuah mek a ni.

3. Ground Level Water Reservoir & Chowkider Quarter at Bawngkawn : hi ni 4.4.2011-ah tanin ni 27.2.2012 khan thawh zawhfel a ni a. He tuizem atangin In (house connection) 1741 pekchhuah mek a ni.

4. Ground Level Water Reservoir & Site Office (Semi RCC) at Zemabawk : hi ni 16.8.2010-ah tanin ni 26.6.2011 khan thawh zawhfel a ni a. He tuizem atangin In (house connection) 816 pekchhuah mek a ni.

5. Ground Level Water Reservoir & Site Office at Armed Veng : hi ni 20.4.2011-ah tanin ni 8.2.2012 khan thawh zawhfel a ni a. He tuizem atangin In (house connection) 1233 pekchhuah mek a ni.

6. Ground Level Water Reservoir, Stone Masonry Retaining Wall, RCC Retaining Wall, Approach road & Satlvation Army Orphanage Urinal at Mualpui : hi ni 25.2.2012-ah tanin ni 20.12.2013 khan thawh zawh tawh a ni a. He tuizem atangin In (house connection) 100 pekchhuah mek a ni.

7. Ground Level Water Reservoir at Mission Vengthlang : hi ni 26.4.2010-ah tanin ni 3.12.2010 khan thawh zawhfel a ni a. He tuizem atangin In (house connection) 819 pekchhuah mek a ni.

8. Ground Level Water Reservoir, Stone Masonry Retaining Wall, RCC Retaining Wall, shifting of electric pole & Approach road at Hlimen : hi ni 2.11.2012-ah tanin ni 15.2.2014 khan thawh zawhfel a ni a. He tuizem atangin In (house connection) 302 pekchhuah mek a ni.

Committee on Estimates chuan tukin vek khan SIPMIU hnuaia hmalakna lian tak pakhat, Chite hmuna 10MLD Sewage Treatment Plant an tlawh nghal a. He Plant sak hna hi M/s Eco Protection Engineer Pvt Ltd, Chennai, India ten an thawk mek a. Contract amount chu Rs.2246.27 lakhs niin ni 27.11.2013 atang khan hna tan a ni a, March 2017-a zo tura beisei an ni. Sewage Treatment Plant chhehvel ram leh Approach road siam hna erawh chu M/s CLT Construction Pvt Ltd, Vaivakawn, Aizawl ten an tahwk mek a, hemi atana contract amount chu Rs.211.54 lakhs a ni.

Vawiin SIPMIU hmalakna hrang hrang an tlawhna leh enfiahna chungchangah Committee Chairman Pu Lalrinliana Sailo chuan an hnathawh dan chu a tha thawkhata an hriat thu leh Committee thutkhawm leh hunah an thil hmuh dante chipchiar taka sawihova, Report an chhuah tur thu a sawi a. Committee on Estimates din chhan ber sorkar sum hmandan a tha tawk em, sum pek milin hnathawh a ni em tih leh heng hmalaknate chhawr tur ber ram mipuite tan tangkai taka hman theih a ni dawn em tiht enfiah tura tih an nih angin Committee Members-te chuan heng hmun hrang hrang an tlawhnaah a kaihhnawih department officials te zawhna zawtin, rawtna an neih ang angte pawh an hrilh nghal a ni.