Vawiin chawhma dar 10:30Am atang khan Mizoram Legislative Assembly hnuaia Financial Committee peng pakhat, Committee on Local Fund Accounts (CoLFA) chuan 13th Finance Commission Grant hnuaia hnathawh hrang hrang an endikna kal zelah Siaha khawpui chhunga Village Council te hnathawh a hmunah tlawhin an endik a ni.

CoLFA in hna hrang hrang te a endik hma hian, tukin zing dar 7:00AM khan Circuit House-ah Siaha Town Area a VC Member te hnenah CoLFA kalphung leh a hmalak dan te hrilhhriatna hun an hmang phawt a ni. Vawiina CoLFA in Siaha Khawpui chhunga 13th Finance Commission Grant hnuaia hnathawh a endik te hi Comptroller & Auditor General of India in a buatsaih Annual Technical Inspection Report behchhana hmalak a ni.

Committee on Local Fund Accounts-ah hian Member 7 an awm a, chung te chu:-

Pu John Siamkunga,MLA, Chairman

Pu Vanlalzawma, MLA, Member

Pu T. Sangkunga, MLA, Member

Pu Lalthanliana, MLA, Member

Pu R.Vanlalvena, MLA, Member

Er. Lalrinawma, MLA, Member

Pi Vanlalawmpuii, MLA,Member te an ni a.

CoLFA hi Assembly Secretariat atangin Pu Lalhmahruaia Zote, Deputy Secretary leh Pu John Lalrinawma, Committee Officer te, Local Administration Department atangin Pu Lallawmawma, Deputy Director ten an lo tawiawm a ni.