Vawiin 11:00 A.M khan Agriculture Committee Room-ah State Level Standing Committee on National Mission on Oilseeds and Oil Palm(NMOOP) chu Pu Lalhmingthanga, Agriculture Secretary kaihhruaiin neih a ni.
Dr.C.Lalzarliana, Director of Agriculture (Crop Husbandry) in Mizoram a Oil Palm hmalakna a sawi a, Pu R.K Nithanga, Deputy Director(Oil Palm) in power point presentation pe in kum 2015-2016 atang khan Centrally Sponsored Scheme pakhat ISOPOM hnuaiah Oil Palm hi chin tan niin OPAE(RKVY) hnuaiah te chin belh zel a nih thu leh scheme Pahnih (2) te chu chhunfin in tunah hian NMOOP hnuaiah hmala mek in tunah hian Oil Palm hi ram hectare 20,377 a zauah chin niin Loneitu tam takin huan nghet neiin thla tin Oil Palm atangin sum tam tak an lakluh thu a sawi.
Meeting chuan kum 2015-2016 chhung atana NMOOP hnuaia Mini Mission-I, II leh III te atanga hmalak dan tur ruahmanna Annual Action Plan: 2015-16 chu Central Sorkar ngenna angin siam a ni a, tunah hian Agriculture Department hian NMOOP hnuaiah Mini Mission-II (Oil Palm)- ah hma ala mek a ni. Meeting chuan kum 2015-2016 atan Mini Mission-I hnuaiah Oil Seeds Crop : Mustard leh Sesamum thlangin, Mini Mission –II ah Oil Palm leh Mini Mission-III ah Jatropha te a thlang a ni.
He meeting ah hian Horticulture Department, Environment & Forest Department, Minor Irrigation Department, Soil & Water Conservation Department leh Industries Department a Officers te bakah Oil Palm hmala tu Company Pathum Godrej Agrovet ltd., 3F Oil Palm Agrotech Pvt. Ltd. leh Ruchi Soya Industries Ltd. hotute leh AMFU hruaitute an tel a ni.
