2754/2025-2026

Dated Aizawl, the 22nd December, 2025 : Committee on Petitions, Mizoram Legislative Assembly-in December 19, 2025-a a rel angin vawiin khan member Pu R. Rohmingliana chuan Pu Lalbiakzama, Hon’ble Speaker, Mizoram Legislative Assembly hnenah “Third Report of Committee on Petitions relating to Higher & Technical Education Department” a pe.

Pu R. Rohmingliana chuan Committee on Petitions hi Mizoram Legislative Assembly aiawha mipuite auh ei theih a nihnaah he thu hi mipuite tana thil pawimawh leh bengkhawntlakah (general public interest) ngaiin hun eng emaw chen a lo buaipui tawh thu a sawi a. Tender chhanna leh thlanna kawnga thil fel lo a awm avanga hna a huna tana a huna zawh tur pawh a khawtlai phah chu pawi a tih thu a tarlang a. Committee on Petitions chuan zirna in hmasawnna tur leh mipui nawlpui hamthatna tur buaipui kawnga theihtawp chhuah zel turin sawrkar thuneitute hnenah duhsakna a hlan a ni.

He report ah hian PM-USHA hnuaia Govt Aizawl College, Govt Hrangbana College, Govt Johnson College, Govt Zirtiri Residential Science College, Institute of Advance Studies in Education, Govt Aizawl North College, Govt T Romana College puala cheng ₹75,79,271.18 man hu hna thawh turte, Lunglei Govt College leh Govt J Buana College puala PM-USHA hnuaia cheng ₹8,73,64,131.00 man hu leh ‘Construction of Various assets in Govt. Colleges at Lunglei District’ (PM-USHA/GIEI/01 of 2025-2026) hnuaia cheng ₹8,73,64,131.00 man hu leh Govt Lawngtlai College puala cheng ₹4,24,77,199.00 man hu zirna in chei thatnan leh siam that nana hna thawk tur tender chhuah tawh chungchanga petition lut kaihnnawih tarlan a ni a. Pu R. Rohmingliana chuan Committee-in ngun taka a ngaihtuah hnuah leh Department aiawhte koa a sawipui hnuah Committee on Petitions chuan re-tender turin recommendation a siam ta a ni, a ti.

‘Third Report of Committee on Petitions relating to Higher & Technical Education Department’ petition buaipui a nih lai hian Committee on Petition Chairman chu Pu T Lalhlimpuia a ni a, member-ah Dr Lorrain Lalpekliana Chinzah, Pu H. Lalzirliana, Pu R. Rohmingliana, Pi Prova Chakma leh Pu Jeje Lalpekhlua te an awm a ni.