2681/2024-2025

24th October, 2024 : Committee on Public Undertakings, Mizoram Legislative Assembly-te chu ni 22-24 chhungin Chairman Er. H. Ginzalala, Technical Adviser to CM hovin Kerala-a State Corporations hrang hrangte zirchianna nei turin a fehchhuak a. He study tourah hian Pu. V Malsawmtluanga, MLA, Lunglei High Powered Committee Vice Chairman, Pu K Laldawngliana MLA, Lt. Col. Clement Lalhmingthanga MLA leh Pu Lalramliana Papuia te an kal a. Kerala-a an cham chhung hian Committee on Public Undertakings, Kerala te nen Joint Meeting neiin, he meeting-ah hian State Public Sector Corporations chungchang leh an kalpui dante sawihona hun an hmang a. Hon’ble Speaker, Kerala Legislative Assembly leh Minister of Law, Industries and Coir-te hmuin inkawmna huntha tak an nei a ni.

Committee hian Kerala Handicraft Development Corporation, Tourism Development Corporation, Travancore Titanium Products Ltd. leh Board of Public Sector Transformation te an tlawh a, Corporation hotute nen inkawmna hun tha tak an nei bawk a ni. Committee on Public Undertakings, Mizoramin Kerala a tlawh hi an lo lawm hle a, Kerala-in a lo dawnsawn danah Committee pawh a lawm hle a. Committee on Public Undertakings, Kerala hian Mizoram rawn tlawh ve ngei an duh thu Members te hi an lo hrilh bawk a ni.