2680/2024-2025

2024 Khuangchawi thla ni 24: Mizoram Civil Services (Combined Competitive) Mains Examination, 2024 chu October ni 22, 2024 (Thawhlehni) aṭang khan ṭan niin, Lunglei Centre, Government Higher Secondary School, Lungleiah pawh tluang takin Mains exam hi kalpui mek a ni.

MCS Mains Examination, 2024-ah hian paper pariat awmin, October ni 22 - 25, 2024 chhungin chawhma leh chawhnuah te exam kalpui ṭhin a ni a. Tun ṭumah hian a vawi khat nan Question cum Answer Booklet (QCAB) hman a ni.

MCS Mains Examination, 2024 hi centre pahnihah buatsaih niin, Aizawl Centre - MPSC Examination Hall, MINECO leh Lunglei Centre - Government Higher Secondary School, Lunglei te a ni a. Aizawl Centre-ah Mains exam hmachhawn thei candidate 325 awmin, Lunglei Centre-ah candidate 14 an awm a. Hetih lai hian vawiin chawhnua paper parukna, General Studies-IV exam hmachhawn MPSC Centre-ah mi 308 (mipa 205 leh hmeichhia 103) awmin, Lunglei Centre-ah mi 13 (mipa 9 leh hmeichhia 4) an awm thung a. Naktuk hian optional paper (paper-I & II) te an exam leh ang.

MCS (Combined Competitive) Examination, 2024-ah hian MCS post 14 +1(PwBD), MPS post 8, MF&AS post 8 leh MIS post 3 lak a ni dawn a ni.