Vawiin hian Pi Vanlalawmpuii Chawngthu Hrangturzo bialtu MLA chuan Sailulak khuaa Community Hall(Zakapa Hall) BADP sum Rs. Nuai 8 senga sak leh Community Centre Building sak thar a hawng.

Hall hawnna inkhawmah hian Minister chuan thusawiin sawrkarin hmasawnna tam tak min thawh sak zingah Community Hall leh Community Center hawn theiha a awm chu bialtu anih angina lawmawm a tih thu a sawi a. Sailulak khuain faina kawnga nasa taka hma an la chu lawmawm a tih thu sawiin, khaw fai an nih avanga mite tlawh chak khua ni ngei tura tan la zel turin a chah. Kan hma lawkah MLA inthlanpui kan nei dawn a, khua leh tui kan nihnaa kan tih ngei tur chu vote thlak ani tih hre thar turin chah bawk.

He hun hi Pi Dorothy Muansangi, BDO E. Lungdar chuan a kaihruai a. Pi Rebecca Lalhmingthangi, JE, BDO Office chuan Technical Report a pe a. He hunah hian Pu Vanlalngaihsaka, Registrar, Co-Operative Societies leh ARCS Serchhip ten an tawiawm ani.