377/2024-2025 

Dated Aizawl, the 26th April, 2024: Vawiin tlai khan Mizoram State Project Monitoring Committee (MSPMC) chuan Hualngohmuna hmalakna kal mek - ‘Construction of Solid Waste Management Centre: Phase-I’ chu an Vice Chairman, Pu R. Lal Rinawma IRS(rtd) hovin a hmunah endikna an nei.

A hmuhma leh hmalakna awm mekte thlithlai anih hnuin MSPMC Vice-Chairman chuan a hmunhma chu tangkai thei ang bera hman a tul thu a sawi a. Hna tithuanawp thei, clearance leh thil dang a awm anih chuan tihfel vat a that thu sawiin bawlhhlawh tawih thei lo(dry waste), awlsam leh felfai zawka thliar anih theih dan tur te, tawih thei (wet waste) khawl hmanga chak leh awlsam zawka tawih raltir theih dan tur, Mechanical compositing-te chu a hmunah engineer leh contractor-te ho nen an sawi ho va. Vice-Chairman chuan tun dinhmunah chuan Phase-II hna kalphung awm dan tur azirin assessment neih leh phawt a that thu a sawi.

‘Construction of Solid Waste Management Centre: Phase-I’ hi Special Assistance to States for Capital Expenditure (SASCE) hmanga cheng vbc 16.64 a fund niin PWD chu Implementing Department a ni a. Phase-I hi tunah kalpui mek niin chu chuan building sak leh kalpawhna kawng siamnate a huam tel a ni.

He hmunah hian MSPMC ‘Team B’ member atang Er. H. Laldintluanga, MZU leh Er. R.Lalchhanhima te chu kalin Arch. George Lalzuia leh MSPMC Secretary, Er. Vanlalruata Sailo ten Vice- Chairman chu an tawiawm a. Hei bakah hian Er. Lalringheta, SE ; Er. Lalramzauva, Sr.EE, PD-IV; Lalawmpuii, Superintending Architech; Zonunpari Chhangte, Executive Architech; Er. Malsawmdawngliana, SDO, PSD-IV; Er. Lalramliana, SDO, Rural Electrical West, PWD; Laltanpuia, JE, PSD-IV; Contractor Pu V.Lalbiakzama mai bakah Hualngohmun VCP, Pu T.Lalhmunsanga leh VC Member Pu Tlangliana ten an tawiawm tel bawk a ni.