378/2024-2025 

Aizawl the 26th April, 2024 : Vawiin khan Ophthalmological Society of Mizoram huaihawtin Eastern India Zonal Ophthalmological Congress (EIZOC), 8th MIDCON 2024 chu Aizawl Club-ah neih a ni a, inaugural meeting-ah Dr. Renu Sharma (IAS), Chief Secretary, Govt. of Mizoram chu chief guest a ni a, state hrang hrang atanga mit doctor (ophthalmologist) an lo tel bawk a ni.

Chief guest Dr. Renu Sharma chuan hetiang inhmuhkhawm ropui tak Mizorama an hmang hi lawmawm a tih thu sawiin doctor kal khawm ten thiamna thar inhrilhhriat hun atana hmang tangkai turin a fuih. Khawvel changkang zelah hetiang inhmuhkhawm hi mi tam takin an tangkai pui ngei a beisei thu a sawi bawk.

He hunah hian EIZOC atangin Dr. Pranav Ranjan, President, Dr. Swaraj Bhattacharjee, Secretary leh Dr. Sabyasachi Patnayak, Chairman, Scientific Committee bakah Organizing Committee atangin Dr. K.L. Remsanga, Chairman leh Dr. Lalbiaktluangi, Secretary ten thu an sawi bawk.

He congress hi ni hnih chhung (April 26 & 27) hman tur a ni a, mit hriselna lam kaihhnawih chi hrang hrangah seminar leh thusawi a awm dawn a ni.