379/2024-2025 

Khawzawl, 27th April 2024: Khelo India Centre, Khawzawl District Football Academy chuan vawiin khan an hnuaia inziak lut naupangte henah football khelhna bungrua an sem a. District Sports and Youths Officer Pu Elijah LH Sanga chuan he hun hi khuallian niin a hman pui.

Programme hi Khelo India Centre Khawzawl District Football Academy Coach Pu Tochhawng Lalremruata'n kaihruaiin, kalkhawm - players leh an nu leh pa te hnenah  report a pe a. Khelo India football hnuaiah, Khawzawl District atangin mi 42 ziah luh an nih thu leh an training hunbi leh attendance te chu portal ah upload a, ngun taka centre atanga vil thin an nih thu a sawi a. Khuallian Pu Elijah L.H. Sanga District Sports and Youths Officer / SDC Khawzawl leh Khawzawl District Football Association President Pu Lalnunenga te chuan player-te fuihna thu sawiin India ram chu Khelo India hmanga Sports superpower nih tir tum a nih thu leh he scheme hi tangkai taka hmang turin player te chu an chah a ni.

Hemi hnu hian Pu Elijah L.H. Sanga, Pu Robert Lalthlamuana (Former Player, Indian  National Team), Guite Vanlalpeka (Captain, Indian Junior team) leh Pu Lalnunenga te chuan Khelo India Centre Khawzawl District Football Academy a inziak lut te tan Football khelhna hmanrua - Football boot, Shin guards leh mawza te an sem a ni.