Vawiin khan Aizawl khawpui chhunga Local Council 40 te tan Chhiatrupna laka Inrawnkhawmna (Consultation Meeting on Disaster Management Plan For 42 Local Councils) chu Chanmari YMA Hall-ah neih a ni.

Tarlan tawh angin he inrawnkhawmna hun a thawhkhatna chu kar kalta September ni 5 khan Local Council 42 te tan I&PR Auditorium-ah neih a lo ni tawh a. vawiina a thawhhnihna neih hi Aizawl Additional DC Pu J.Hmingthanmawia'n a kaihruai a ni.

Additional DC chuan mihringte chunga chhiatrupna thleng thei khuanu rel leh mihring siam chawp chung changah hian thui tak a invenlawk theih dan te, chhiatna lo thlen thulha hamhaih mai lova, rilru fim tak pu chunga hmalak a tangkaizia te a sawi a ni.

Geology and Mineral Resources Joint Director Dr H. Lallenmawia chuan a thuziak a lem nena entirin Mizoram leh a bikin Aizawl khawpui leihnuai zirchianna a hrilhfiah a. Dinhmun derthawng leh chhiatrupna hrang hrang thlen mai theih dan te sawiin Mizoram pum chu lirnghing na takin a sawi theih mai na hmunah a awm thu kalkhawm te a hrilhfiah a ni.

Aizawl DC Office-a Distric Organiser Pu Zothansanga Hmar pawhin Aizawl khawpui him zawk nana ruahhmanna siam mek City Disaster Management plan with repect to Locality and Line Deptt chu pharhin a chhung thua hrilhfiah ngai lai lai te a hrilhfiah a ni.

Chawhnu lamah sawihona neiin, rawtna an neih apiang an sawihova. Locality Disaster Management Committee aiawhte leh Line Department te an kal tha hle.