Aizawl khawpui (AMC Area) chhunga lirthei parking enkawl leh a fee khawnte AMC kutah a awm tawh avangin tunlai hian Aizawl khawpui veng hrang hrangah Traffic Police te chuan lirthei tlan dan leh dah theihna hmun te, khawpui chhung Traffic harsatna tiziaawm tur leh awmze nei zawk a enkawl a nih theih nan Local Council thuneitute nen enfiah mek a ni a.

Traffic chungchanga rilru lo seng ve thin tute chu SP (T) Office ah rawtna emaw, thurawn emaw pe thin turte, mahni lirthei vantlang tana hnawksaka dah lo tur leh mimal bungrua kawngpuia dah hnawk lo turin Traffic Police te chuan an ngen a. Sorkar thu ngai pawimawh a Garrage nei tute leh Traffic Rules tha taka zawm thin te chungah lawmthu an sawi a ni.