Nimin chawhnu khan Sports & Youth Services department chuan Aijal club ah Consultation on Mizoram Sports Policy 2019 thutkhawm a buatsaih a, Pu Robert Romawia Royte, Minister, Sports & Youth Services chu khuallian niin Pu Zothanmawia, Director, Sports & Youth Services department in he hun hi a kaihruaia, Mizoram chhunga sport association hrang hranga hotute an tel a ni.

Minister Pu Robert Romawia Royte chuan,”Infiamna chi hrang hranga hmalakna leh hmachhawp duang tur chuan Sport policy rintlak, behchhan tur kan ram hian kan neih phawt a tul a, he policy hi infiamna discipline hrang hrang tan a hmasawnna thlentu hmanraw pawimawh tak a nih ngei ka beisei a ni,” a ti. Sport Minister chuan, “Sawrkarin faina kawngaa hmalakna Swachh Bharat hmangin kum nga chhungin faina kawngah hmasawnna nasa tak India hmun hrang hrangah a thleng a, chutiang bawkin hriselna kawnga hmalakna bul tan nan Fit India movement hi August Ni 29, 2019 hian ram pumah neih tur a ni dawn a ni,” a ti a,” Mizoram atangin Hockey player, Pu Saihnawla, kum 80 leh Pu Valbuanga, kum 84, Thenzawl khua te chu Fit India movement hawnna hun, New Delhi a tel turin an kal dawn a ni,” a ti bawk. Pu Robert Romawia Royte chuan Mizoram Sports Incentive cash Award 2008 dawng thei, April 2008 leh March ni 31, 2019 inkara harsatna leh chhan hrang hrang avanga dilna la thehlut lo te tan dilna hi ni 5, September 2019 thleng thehluhna hun hawn sak leh a nih thu a tar lang bawk . Consultation on Mizoram sports policy 2019 hmannaah hian Sport Minister chuan sport hmasawnna tura sawrkar hmalakna hrang hrangte sawiin, National games 2024 thlengtu nih dilna thehluh a nih thu te, Sport hi industry anga rin luh anih nana hmalaknate leh Sport calendar mumal tak neih a tul ziate a sawi bawk  a ni.

Nimin Consultation on Mizoram sports policy 2019 ah hian Pu VL Zaithanzama, MLA, Pu K Pachhunga, MLA, Pu H Lalengmawia, Secretary, Sports & Youth Services department, Mizoram chhunga Sport Association hrang hranga hotute leh Sports & Youth services department a thawktute an tel a ni.

Mizoram ah Fit India movement hi ni 29, August 2019 hian Sipai lammualah zing dar 6:30 ah hman a ni dawn a, hriselna leh infiamna ngaina leh a duh apiangte tan tel theih a ni.

Attachment

  • Loading attachment...