Vawiin khan Govt.Kawrthah Higher Secondary School, Kawrthah Sub Division-ah lirnghing lo thlen thulha chetlak dan tur inzirtirna (Mock Drill) neih a ni a. He Mock Drill hi Mamit District Disaster Management Authority atangin Pu Chinlianmanga, Sub-Deputy Commissioner leh Officer-in-charge DM&R ni bawk hova hman a ni.

Lirnghing lo thlen thulha mipuite chiai mai lova chetlak dan tur hrang hrang lemchanna neih zawh hian thlirletna neih nghal a ni a, hetah hian chhiatrupna lo thlen thulha lo inpuahchah dan tur te, hmasawn an ngaihna lai hrang hrangte sawiho nghal a ni.

He Mock Drill-ah hian Kawrthah Civil Administration, Kawrthah Police Station, Kawrthah CHC bakah Govt. Kawrthah Higher Secondary School te an tel a. Kawrthah Sub-Division chuan hlawkthlak an tiin a lehpek zelah pawh hei aia tha zawka an chet theih tawh an inrin thu an sawi bawk a ni.