Vawiin khan  Mizoram-a Agriculture, Handloom and Handicraft sector-a sumdawnna lamah hmasawnna a thlen theihna tura inrawnkhawmna Consultation on Social Entrepreneurship: Agriculture, Handloom and Handicraft Sector in Mizoram chu Aijal Club ah neih a ni.

He in rawn khawmna hi Planning and Programme Implementation Department, UNDP, EXIM Bank leh Conferderation of Indian Industry te buatsaih a  ni a, a tum ber chu Micro, Small and Medium Enterprises (MSME) kaltlanga Hmarchhak state-atanga Agriculture, Handloom leh Handicraft siam chhuah te ram dang leh state danga hlawk zawka hralh chhuah theih dan kawng zawn a ni. UNDP aiawhin Pu JOHN Borgoyary, Regional Head, NE India in thu a sawi a, Mizoram sawrkar ai awhinMission Organic Mizoram, Horticulture Department,l Commerce and Industries Department bakah  EXIM Bank aiawhten thu an sawi a ni. Mizoram a loneitute leh a enkawltu department te harsatna hrang hrang te sawi lan a ni a, handloom leh handicraft ram dang hralh chhuah anih theih nana hmalakna leh harsatna te sawiho a ni bawk a ni.

Consultation on Social Entrepreneurship; Agriculture, Handloom and Handicrafts Sector hi UNDP leh EXIM Bank tena kum 2015, April-a thawhdunna an ziah atanga buatsaih a ni a. Agrilcuture, Handloom leh Handicraft sector-a hmarchhak state ten hma an sawn a, an thar chhuah leh siam chhuah te ram dang emaw hmun danga an hralchhuah theih na turin hma an la mek a, tunah hian Assam leh Mizoram ah sawrkar laipui hriattirna angin Pilot Project kalpui a ni dawn a ni. UNDP hian a hmuna hnathawh dan tur EXIM Bank nena tang dun hian a thawk dawn ani.