Mizoram State AIDS Control Society (MSACS) chuan ni hnih chhung awh tur Review/Consultation Meeting with Nodal Officers for Red Ribbon Club chu vawiin 6th August, 2009 (Ningani) hian Information & Public Relation Department auditorium ah an tan.
Dr. Eric Zomawia, Project Director, MSACS chuan meeting ah hian thusawiin, ‘HIV hi thalaite natna a ni a, mizoram ah pawh HIV hrikpai kan hmuhchhuah zinga tam zawk hi chu thalaite anni a. He natna darh zel tur venna kawngah hian neitu nihna nei a hmala tur zoramin a mamawh a ni a ti a. Mitam takin HIV hi kan buaipui tur leh kan harsatna a ni tih hre lovin AIDS dona chu pawisa siam nan leh sum tuak nana hmanrua a hman tum kan tamin, a AIDS dona tak erawh kan theihngilh leh si thin a ni a ti a. He natna hian kan ram hmun tin mai min luhchilh tawh avang hian MSACS leh NGO te chauh tih tura ngai lovin, kan ram kan hnam he natna laka veng tura tihtak zet leh ta neitu rilru a hmala tur kan mamawh a ni tiin, kalkhawm te chu nasa zawka hmalak puiah a sawm.
Thalaite HIV laka an him theihna tura hmalak nan Mizoram a college zawng zawng 25 ah te Red Ribbon Club (RRC) din a ni a, heng RRC ah te hian college lecturer thenkhatte mawhphurhtu - Nodal Officer atana thlan/ruat niin, NSS te nena college chhunga an programme neih hrang hrang ah te a remchang hun apiangah an zirlaite he natna laka an him theihna tura zirtirna kalpui tura ruat an ni. Heng bakah hian zirlaite zingah an thiante zirtir chhawng tur Peer Educators te ruat an ni bawk a ni. Heng zirtirtu leh zirlaite hi HIV/AIDS chungchangah training uluk taka pek thin an ni a, tun tum pawh hi hmalam pen zel tur atana hmalakna pakhat a ni. RRC te hi a mamawhte tana thisen pek kawngah pawh nasa taka pen leh hmala thin te an ni.
Thalaite HIV laka an him theihna tura hmalak nan Mizoram a college zawng zawng 25 ah te Red Ribbon Club (RRC) din a ni a, heng RRC ah te hian college lecturer thenkhatte mawhphurhtu - Nodal Officer atana thlan/ruat niin, NSS te nena college chhunga an programme neih hrang hrang ah te a remchang hun apiangah an zirlaite he natna laka an him theihna tura zirtirna kalpui tura ruat an ni. Heng bakah hian zirlaite zingah an thiante zirtir chhawng tur Peer Educators te ruat an ni bawk a ni. Heng zirtirtu leh zirlaite hi HIV/AIDS chungchangah training uluk taka pek thin an ni a, tun tum pawh hi hmalam pen zel tur atana hmalakna pakhat a ni. RRC te hi a mamawhte tana thisen pek kawngah pawh nasa taka pen leh hmala thin te an ni.
